Piştî axaftina namzeta hevserokatiya HDP'ê Pervîn Buldan, namzetê hevserokatiyê yê din Sezaî Temellî di 3'yemîn Kongreya Asayî ya HDP'ê de piştî beşdarvan silav kirin, dest bi axaftina xwe kir. Temellî bi gotinên  "Hûn bi hêvî û wêrekiyeke mezin hatin, lê we îmzeya xwe avêt bin rekorekê. We rekora cîhanê ya GBT'ê (Lêgerîna Agahiyên Ewlehiyê) şikan" û zextên ku rêwiyên kongreya HDP'ê pêre rû bi rû man, bi bîr xist.

 

‘JI OCALAN Ê KU RIYA ME VEKIR RE SILAV’

 

Temellî, destnîşan kir ku bi hezaran hevrêyên wan ê divê îro bi wan re bûna, ji ber girtî ne ne li gel wan e û wiha axivî: "Ji deh hezarî zêdetir hevrêyên me hatin binçavkirin. Beşeke zêde hatin girtin. Ne ku sûcekê wan heye, ji ber ku hezkirinek wan hebû hatin girtin. Emê dest ji vê hezkirinê bernedin. Ev kongre jî nîşan dide ku hezkirinek çawa heye. Emê vê hezkirinê berdewam bikin. Ji Îmraliyê re silav, ji Birêz Ocalan re silav. Ji wan kesên di serkêşiya rêya me de ne, emê tu carî dest jê bernedin, Serok Fîgen û Serok Selahattînên li hundurê çavê zilmê mêze dikin re silav."

 

‘MUTABAQATA NETEWEYÎ BÛ FELAKET’

 

Temellî bal kişand ser nutabaqata neteweyî ya di navbera AKP-MHP'ê jî û ev tişt got: "Di çend salên dawî de Tirkiyeyê du wêneyên girîng dîtin. Yek ji van di navbera salên 2013-15'an de. Pêvajoya bi Komkujiya Pirsûsê dest pêkir. Ev wêneyê şer e, wêneyê xizaniyê ye. Îro li pêşiya gelên Tirkiyeyê du rê hene; an dê wêneyê hêviyê an jî dê wêneyê faşîzmê hilbijêre. Dê HDP wêneyê duyemîn biçirîne û bavêje, bila kes fikaran nejî. Bi rakirina destnedanan OHAL serdest kirin, teskere derbas kirin, bi qeyûman referandumek anîn Kurdistan. Ruxmê dengê na bi ser ket jî, wekî ku bi serketine dan nîşan. Ev rejîma ku pêşî li makeqanûna yek rengî vekir, ew rejîm e. Mutabaqata neteweyî dixwaze faşîzmê serdest bike. Ev mutabaqata neteweyî mutabaqata karesatê ye. Heta gerdûnî ye."

 

JI BO EFRÎNÊ BANGA PIŞTGIRIYÊ

 

Temellî bangî hemû welatên Ewropay kir û ev tişt got: "Werin em bi hev re ji bo vê karesata gerdûnî hilweşînin. Ewropa tiştên li Tirkiyeyê diqewimin dixe mijara bazarê, bi vê re faşîzmê li Tirkiyeyê mayînde dike. Dê ev yek encameke çawa bi xwe re bîne, Ewropa baş dizane. Ji bo wê bila bi sermayeyê re bazarên piçûk nekin û berê xwe bidin Efrînê û piştgiriyê bidin gelan.

 

Dewleta ceberût ya dixwaze xwe bi siyaset şer li ser piyan bihêle, ji bo qesrê fînanse bike, bi şidet û mêtingeriyê xwezayê talan dike. Wekî ku henekê xwe bi hişê me bike, navê dagirkeriya Efrînê daniye 'Çiqla Zeytûnê.' Baxçeyên zeytûnan bombe dike. Çiqas cihên xwezayî hebin, cihê çandiniyê hebin ji înşaetê re vekirin. Tirkiyeyê ber bi rûxandinê ve dibin. Em neçarin pêşî li vê rûxandinê bigirin. Îro beşeke herî mexdûr a Tirkiyeyê jî cotkarin. Mafên cotkaran ên makeqanûnê nadin wan û Tirkiye kirin çol."

 

DESTHILATDARÎ ÊRÎŞÊ HER DERÊ JIYANÊ DIKE

 

Desthilatdarî bi mutabaqata neteweyî, bi hevkariyên qirêj ne tenê êrîşê qada aboriyê, êrîşê hemû qadên jiyanê dike. Yên herî zêde zerarê dibînin jî kedkar in. Tenê di sala 2017'an de 2 hezar û 6 karkeran jiyana xwe ji dest da. Xebata bê ewlehî di her derê jiyanê de tê dîtin. Li kargehan ewlehiya kar tune. Tirkiye bûye dojeha karê erzan. 

 

ÊDÎ EW DEM HATIYE KU EM BÊJIN RAWESTE

 

Heqdestiya herî kêm li Tirkiyeyê di bin sînorê birçîbûnê de ye. Heqdestiya herî kêm îro pêwîstiyên tu mirovî pêşwazî nake. Polîtîkaya îktîsadî ya xelet bandorê li ser enflasyonê dike. Bê karî, enflasyon di asta du hejmaran de ye, gel xizan e. Ji bo civak xwe ji vê rewşê rizgar bike, divê hemû karker û cotkar têkoşînê bidin. Divê em ji vê rewşê re bêjin bes e.

 

EM NAMZETIN KU VÎ WELATÎ BI RÊVE BIBIN

 

Tişta wan li gel hevdigire, wan dixe welatî mafê butçeyê ye. Xespkirina mafê butçeyê xespkirina mafê civakî ye. Hukumet, li ser vê hişmendiya faşîst, piştgiriya girseya xizaniyê distîne. Alîkariyên civakî yên ku li xizanan belav dike, wekî ku wan daye, didin nîşan. Emê vê pêvajoyê bi rêve bibin, çawa ku me biryara xwe bi rêvebirinê biribê dabe. Derfetên vê hene. Armanca herî girîng eve. Emê bi gel, jin, kedkar û hemû beşên civakê re vî welatî bi rêve bibin. Ji bo wê di rojên pêş de emê bi hemû hêzên demokrasiyê re di eniyekê de cih bigirin.

 

Me di 16'ê Nîsanê de ev da nîşan. Her kes bi dengê na hat. Em dîsa jî dikarin bi hev re bên. Em dikarin vê xizanî û vî şerî bidin sekinandin. Divê em baweriya xwe pê bînin û ji bo vê bixebitin.

 

DIVÊ WÊREKÎ LI HER KESÎ BELAV BIBE

 

Em çawa bi hêviyeke mezin hatibin vir, bi vê biryardariyê berê xwe bidin tax, kargeh, kuçeyan. Emê careke din xwe bi rêxistin bikin, careke din bi hêz bibin. Em hemû bi hişmendiya demokrasiya radîkal, bi kurd, tirk, elewî, sûnnî, romen û xiristiyanan têkoşînê bidin û biçin desthilatdariyê. Armanca me ya stratejîk ev e. Dê hemû rêxistinên me bi gelên li zeviyan, kuçe û kolanan re bên gel hev. Her yek ji me li deryayên reş wekî çirayekê ne. Em rêwiyên hêviyê ne. Kê ji rêya xwe vedigere, em lê venagerin. Em wêrek, bi biryar in. Emê wêrekiyê li her kesan belav bikin. Ji bîr nekin em mafdar in. Teqes emê bi ser kevin."

 

Kongre bi xwendina raporên xebat û maliyê berdewam dike