ENQERE - Rêxistin û siyasetmedarên navneteweyî, êrişa li dijî Rêxistina HDP’ê ya Îzmîrê û qetilkirina Denîz Poyraz şermezar kirin û bang li Parlamentoya Ewropayê kirin ku bikeve nava tevgerê.
Êrişa li dijî Rêxistina Partiya Demokratîk a Gelan (HDP) ya Îzmîrê û qetilkirina xebatkara partiyê Denîz Poyroz, di qada navneteweyî de, rastî bertekên mezin hat. Gelek rêxistin, siyasetmedar û aktîvîstên navneteweyî êriş û qetilkirina Poyraz şermezar kirin.
Hin bertekên li dijî êrişa li ser HDP’ê hatin nîşandan wihane:
Ji partiyên mûxalif ên Yûnanîstanê Koalîsyona Çep a Radîlak (SYREZA): Di vê dema dijwar de, em piştgirî û dilsoziya xwe ya bi HDP’ê re aşkere dikin. Hewldana krîmînalîzekirina partiya sêyemîn a parlamentoya Tirkiyeyê nayê qebûl kirin.
Endama Meclîsa Nûnerên Hollanda û Raportora berê ya Parlamentoya Ewropî (PE) a Tirkiyeyê Katî Pîrî: Faşîstekê, aktîvîsta Kurd Denîz Poyraz li avahiya HDP’ê ya Îzmîrê, bi awayekê hovane kuşt. Di vê dema dijwar de, ez sersaxiyê ji malbat û hevalên Deniz re dixwazim.
Koma Sosyalîst û Demokratîk a Ewropayê: Ev êrişa hov, li dijî bingehên hemû pergalên demokratîkin.Divê hemû rayedar û partiyên siyasî yên têkildar ên li welêt bi lez û bez bertek nîşan bidin û ev tacîzên siyasî yên li dijî HDP’ê bi dawî bibin.
Partiya Keskan a Awropayê: Em êrişa li dijî Buroya HDP'ê ya İzmîrê û qetilkirina Deniz Poyraz bi tundî şermezar dikin. Ramanên me bi malbata HDP re ne. Em bi hemû kesên ku ji êrişê bi bandor bûne re, di nava piştevaniyê de ne.
Raportoru Parlamentoya Ewropayê yê Tirkiyeyê Nacho Sanchez Amor: Em li hemberî agahiya kuştina endama HDP’ê Denîz Poyraz di rewşekê saw û xofê dene. Divê bersûcê vê bûyera hovane teslîmî edaletê bê kirin. Pêwîste ev komploya siyasî ya li dijî HDP’ê tavilê bi dawî bibe.
Partiya Çep a Parlamentoya Ewropayê: Em êrişa li dijî Buroya HDP'ê ya Îzmîrê û qetilkirina Deniz Poyraz bi tundî şermezar dikin. Divê yekitiya Ewropayê, demildest li dijî vê hoviyê deng derxîne.
Komîsyona Sîvîl a Tirkiyeyê ya PE’yê: Em êrişa li dijî HDP’ê şermezar dikin. Kiryarên van êrişan hêza xwe ji kampanyayên qirêj ên ku ji aliyê AKP û MHP ve li dijî HDP tên meşandin digirin.
Siyasetmedarê Danîmarkayî yê cihê xwe di Tifaqa Kes Sor de digire û endamê PE’yê Nîkolaj Vîllumsen, Tifaza Azad a Ewropayê, Assemblea Enternasyonel, Çepa Ewropa, Alîkara Giştî ya Rêxistina Şopandina Mafên Mirovan a Asya Navîn û Ewropayê Emma Sînclaîr-Webbe, Endamê Parlamentoya Ewropa, ji Koma Efa Keskan û siyasetmedarê Belçîkayî Sergey Lagodînsky, Endamê Parlamentoya Qraliyeta Yekbûyî yê ji Partiya Karker a Îngîlterê Lloyd Russelle-Moyle û Koordînatorê Giştî yê Enternasyonal a Pêşketî Davîd Adler jî, di heman çaroveyê de daxuyanî dan, êrişa li dijî HDP’ê û qetilkirina Denîz Poyraz şermezar kirin û xwestin Parlamentoya Ewropayê bikeve nava tevgerê.