Serokê DYA’yê Donald Trump diyar kir ku eleqeya wan bi êrişên Îsraîlê yên li dijî Îranê nîne û got: “Heke Îran bi awayekî DYA’yê hedef bigire, em ê bi tevahiya hêza xwe ya leşkerî bersivê bidin.”
Îranê daxuyand ku di êrişên Îsraîlê de 3 zanyar hatine kuştin.
Berdevkê Wezareta Karê Derve yê Îranê, piştî êrişên Îsraîlê der barê guftûgoyên DYA’yê û Îranê de diyar kir ku beşdariya Îranê bo guftûgoyan ne diyar e.
Serfermandariya Artêşa Îranê ragihand ku du fermandarên din ên leşkerî yên Îranê di êrişa Îsraîlê ya li ser Îranê de hatine kuştin.
Piştî mirina Serfermandarê Giştî yê Artêşa Îranê bi erişên Îsraîlê, di dewsa wî de Tumgeneral Emîr Hatemî wek Serfermandarê Giştî yê Artêşê hate tayînkirin.
Serokê Sinn Féin yê berê Gerry Adams piştgirî da banga Abdullah Ocalan û wiha got: “Azadiya Ocalan ji bo ku pêvajoyeke berfireh dest pê bike û bigihije lihevkirineke siyasî pir girîng e.”
Di saetên serê sibê de Îranê bi fuzeyan êrîşî Îsraîlê kir û di encama êrîşê de 2 kesan jiyana xwe ji dest da û 21 kes jî birîndar bûn.
Îranê bi zêdetirî 100 fuzeyan êrişî Îsraîlê kir. Ajansa Nûçeyan a Tesnîmê ragihand ku parastina hewayî ya Îranê du balafirên şer ên Îsraîlê xistine û du pîlotên jin dîl hatine girtin.
Serokwezîrê Îsraîlê Benyamîn Netanyahu diyar kir ku dê Îran bersivê bide êrişên wan û ew bi xwe jî dê êrişên xwe bidomînin.
Êrişên Îsraîlê yên li dijî Îranêw didomin. Li Tehranê dengê teqînan hate bihîstin.
Serokwezîrê Îsraîlê Benyamîn Netanyahu bi Serokê DYA’yê Donald Trump û Serokê Dewletê yê Rûsyayê Vladimir Putin re hevdîtin kir.
Konseya Ewlekariyê ya NY’ê dê îro li ser daxwaza Îranê bi rojeva êrişên Îsraîlê bicive.
Li gorî agahiyên çapemeniya Îranê parve kirine di encama êrîşên Îsraîlê de 78 kes mir û 329 kes birîndar bû.
Serokkomarê Îranê Dr. Mesûd Pezeşkiyan têkildarî êrişên Îsraîlê daxuyaniyeke fermî da û got: “Li dijî vê sûîqesta rejîma dagirker em ê bersiveke qailane, xurt û dijwar bidin.”
Serokê DYA’yê Donald Trump têkildarî êrişên Îsraîlê yên li dijî Îranê axivî û got: “Ji bo lihevkirinê min şens li ser şensî da Îranê. Êrişên din dê bêrehmtir bin. Divê lihev bikin.”