Li Hewengê ji ber terezê hem darên fisteqan derb xwarine hem jî randimana fisteqan kêm bûye. Serokê Odeya Çandiniyê a Navçeyê Fûat Almas, xwest piştgiriya cotkaran bê kirin û herêm wekî "herêma afetê" bê îlankirin.
Serokê Giştî yê BTS’ê Hasan Bektaş, bertek nîşanî sirgûnkirina endamên xwe da û got: “Em mirovan vediguhezin. Dibe ku her kêlî qeza rû bide. Ger qezayek rû bide berpirsiyar, Miduriyeta Rêyênhêzên a Dewletê ye.”
Endamên Platforma Tenduristiya ji bo Hemû Karkeran û hevalên Huseyîn Yurtsever hatin ber şantiya ku şewat lê derketibû û Yurtever jiyana xwe ji dest dabû û gotin ku heke patronan bergiriyên pêwîst bigirta wê Huseyîn bijiya.
Platforma Şaxên Sendîkayên Karkeran a Stenbolê, li dijî projeya “qampên xebatê” ya MUSÎAD’ê ku bi hinceta vîrûsa koronayê pêşniyar kiribû, derket. Platforme, diyar kir ku sermaye hewl dide bi projeyên bi vî rengî tundiya xwe ya li ser karkeran zêde bike.
Serokê Şaxa Tarim Orkam-Senê ya Amedê Nasir Demîrkiran diyar kir ku di pêvajoya şewbê de piştevanî ji bo sektorên din hatiye dayîn lê ji bo cotkaran piştevanî nehatiye kirin û ji ber polîtîkayên şaş her sala ku diçe çandinî li paş dikeve.
Kesên heywanan difiroşin ên hatin Bazara Heywanan a Patnosê ku ji 14’ê Adarê ve ji ber şewba vîrûsa koronayê girtiye, diyar kirin ku ew bûne qûrbana polîtîkayên şaş ên sewalkariyê yên desthilatdariyê.
Çotkar û rençberên herêma Edeneyê bertek nîşanî polîtikayên îqtîdara AKP'ê û Wezareta Çandiniyê ya çandiniyê dan û diyar kirin ku çotkar êdî di bin deynan de mane. Çotkaran destnîşan kirin ku deyn dikin bi deynan çandiniyê dikin.
Hilberînerên çayê ji ber hêjmara karkeran kêm bûne û ÇAYKUR'ê bihayê herî kêm aşkere kir bi fikarin. Hilberînerên çayê diyar kirin ku, desthilatdarî li şûna ku pirsgirkên wan çareser bike, li duv hesabên xwe yên siyasîne û xwestin pirsgirêkên dijîn bên çareserkirin.
Li Edeneyê ji ber germa zêde û bayê kur randimana genim kêm bûye. Cotkaran jî ji ber bihabûna gubre, tov û dermanan xwest fiyetê genim bê bihakirin.
Li Amedê li gorî salên bihûrî ji ber şewba koronayê li dikan û sûkan bêdengî heye û esnafên ku nikarin kar bikin jî polîtÎkaya hikumetê ya pêvajoya şewbê rexne dikin.
Sekreterê Giştî yê Sendîkaya Dev Saglik-Îş'ê Erdogan Dermîr, anî ziman ku Wezareta Tenduristiyê giştînameyek parve kiribû û têde gotibû wê kes ji kar neyê derxistin lê belê bi sedan xebatkarên tenduristiyê şandine destûra bêheq û got, giştîname tenê li ser kaxezê heye.
Odeya Plansazên Bajêr a Şaxa Amedê ya girêdayî TMMOB’ê diyar kir ku derxistina ber firotinê ya neguhêzbarên Şaredariya Bajarê Mezin a Mêrdînê ku qeyûm birêve dibe “bêhiqûqî” ye û ew ê mijarê veguhêzînin darazê.
Komeleya Jiyana Nûde, di bin banê xwe de Akademiya Aborî û Civakî vekir û bernameya perwerde semîneran danî pêş xwe.
Zemkirina bacê bû sedema ku 5 hezar û 430 ton zebeşên ku ji Îranê anîn Gara Trênê ya Wanê xera bibin. Esnafê ku zebeşan ji derve anî li dijî rewşê îsyan kir.
Serokê Komeleya Esnafên Çarşiyê ya Mêrsînê Bekîr Algullu, anî ziman ku di dema şewbê de li bajêr 30 hezar esnafî dikanên xwe girtine û got, qedexeyan pişta esnafên biçûk ên piştgiriya wan nehat kirin şikandiye.