STENBOL - Li paytexta Yewnanistan Atînayê, meşa bi pêşengiya tevgerên ciwanên Kurd a li dijî komploya 9'ê Cotmehê hatiye lidarxistin, di roja duyemîn de berdewam dike.
Di salvegera 25'an a komploya navneteweyî ya 9'ê Cotmeha 1998'an de, Tevgera Ciwanên Şoreşger (TCŞ) û Jinên Ciwan ên Têkoşer (TekoJIN) li Atînayê dest bi meşê kirin.
Meşa ku 9'ê Cotmehê destpê kir, di roja duyemîn de berdewam dike. Ciwan ji bajarê Pallînî ber bi Konsolosxaneya Tirk a li Atînayê ve dimeşin.
Di meşê de dirûşmên "Bijî Serok Apo", "Left left Lefterya", "Bê Serok jiyan nabe" hatin berzkirin.
Herwiha di meşê de ciwanan bertek nîşanî êrişên Tirkiyeyê yên li dijî Bakur û Rojhilatê Sûriyeyê dan.