ENQERE - MYK'ê HDP'ê bi daxuyaniyeke nivîskî ragihand ku vegera li Mutabaqata Dolmabahçeyê pêwistiyeke lezgîn e û bang li hemû aktorên siyasî kir ku li Mutabaqata Dolmabahçeyê vegerin. 

 

Lijneya Birevebirina Navendî (MYK) ya HDP'ê, di 7'emîn salvegera Mutabaqata Dolmabahçeyê ku di 28'ê Sibata 2015'an de di navbera Hikûmet, Dewletê û Îmraliyê de hatibû îmzekirin de daxuyaniyeke nivîskî da. Di daxuyaniyê de hat diyarkirin ku ji bo demokratîkbûyîna Tirkiyeyê û çareseriya pirsgirêka kurd di 28'ê Sibata 2015'an de deriyekî dîrokî hatiye vekirin û ev tişt hat gotin: "Mutabaqata Dolmabahçeyê belgeya herî girîng a dîroka Komarê bû ku deriyên aştiya civakî û muzakereya demokratîk vekiriye."

 

Daxuyaniya HDP'ê bi kurtayî wiha ye:

 

''Di Mitebaqata Dolmabahçayê de rê û rêbazên ku Tirkiye pirsgirêkên xwe yên dîrokî bi hêzên navxwe çareser bike, hate ser zimên.

 

Mitebaqata Dolmabahçayê hem fersendeke dîrokî bû û hem jî xaleke fetlonekê ya siyasî bû. Li vê xala fetlonekê dilxwazi aştiyê, bi siyaseta rêgez û vînê pêkan bû. Lê AKP'ê tercîha xwe li ser şer kir û tundî bi kar anî, Mitebeqata Dolmabahçayê înkar kir. Bi şerê girankirî bersiv dane rihê çareseriyê yê Mitebaqata Dolmabahçayê û bi tecrîda girankirî ya li ser Rêzdar Ocalan dawî li mitebaqata anîn. Tecrîda li ser Rêzdar Ocalan, ku ji bo bicihhatina aştiya civakî rola civakî ya Ocalan hatiye dîtîn, bûye rejîma rêveberinê.

 

Bi berdewamî hate gotin,''Krîzên pirhêlî ku niha Tirkiye di nav de ye, rageşiyên global û rîskên jeopolîtîk ferz dike ku dîsa li Mitebaqata Dolmabahçayê vegerin. Ji bo ku Tirkiye ji krîzan xilas bibe û krîzên global kêmtir karîgeriyê li ser bike, hewcehiyeke lezgîn e ku li Mitebaqata Dolmabahaçayê vegerin. Ji ber ve jî em bang li hemû aktorên siyasî yên Tirkiyê dikin ku li Mitebaqata Dolmabahçayê vegrin û ne tenê îroya civaka Tirkiyê, paşeroja wê jî xilas bikin.''