Li navçeya Hezexê ya Şirnexê vê sibê polîsan bi ser malan de girt. Polîsên tîmên taybet di heman demê de bi ser mala biraziyê Hevşaredarê Hezexê Mûrat Şen ê qeyûm tayînî şûna wî hat kirin, Nûrettîn Şen de jî girt. Hat zanîn ku di serdegirtinê de polîsan çek xist serê Nûrettîn Şen û îşkence lê kirin e. 

 

ÎŞKENCE LI DAYIKA 90 SALÎ KIRIN 

 

Tîmên taybet kelûpelê malbata Şen serûbin kirin. Bavê hevşaredar Mûrat Şen derxistin derve û li ber sir û seqema dijwar dan sekinandin. Her wiha polîsên tîmên taybet îşkence li dayika Hevşaredar Mûra Şen, Fatma Şen a 90 salî kirin û dest û milê wê xistin ber sindoqê. Di dest û milê dayikê de birîn çêbûn û wêneyên dayikê ravekirina îşkenceyê radîxîne ber çavan. Polîsan serê Abdurrahîm Şen jî li dîwar xistin û ser û çavê wî birîndar kirin. 

 

Piştî îşkenceya li ferdê malbatê hat kirin û lêgerîn bi dawî bû Nûrettîn Şen binçav kirin û birin Miduriyeta Polîsan a Hezexê. Sedemê binçavkirina Şen nehat zanîn. 

 

Hat zanîn ku welatiyê bi navê Mehemt Fîdan jî di serdegirtina mala xwe de hatiye binçavkirin.