AMED - Bi îdiaya “propagandaya rêxistinê” 10 meh cezayê hefsê dan belavkarê rojnameya Yenî Yaşamê Umît Aslan.
Danişîna doza belavkarê rojnameya Yenî Yaşamê Umît Aslan ku bi îdiaya “propagandaya rêxistinê” tê darizandin, li 5’emîn Dadgeha Cezayên Giran a Amedê hat lidarxistin. Aslan, tev li danişînê nebû lê parêzerê wî Resûl Tamur amade bû.
Dozgerî xwest Aslan bi îdiaya “propagandaya rêxistinê” were cezakirin. Parêzer Tamur jî got ku hêmayên madî û manewî yên sûc çênebûne û daxwaza beraetê kir.
Şandeya dadgehê 10 meh cezayê hefsê da Aslan.