AMED - Cihên qeymeqamên Pasûr, Licê, Karaz, Gêl û Hezroyê yên wek qeyûm tayînî şaredariyên HDP’ê hatibûn kirin, guherî. 

 

Li ser ferman û biryara Serokkomarê AKP’yî Tayyîp Erdogan cihê fermandarên leşkeriyê, polîs, cîgirên walîyan û qeymeqaman guherî. 

 

Qeymeqamên navçeyên Pasûr, Licê, Karaz, Gêl û Hezroyê yên Amedê hat guhertin û tayînî navçeyên cuda hatin kirin. Her wiha cîgirê waliyê Amedê Selîm Çomakli jî wek qeymeqam tayînî navçeya Kaynarca ya Sakaryayê hat kirin. 

 

Îlyas Ozturk û Fatîh Ayaz wek cigirên waliyê Amedê hatin tayînkirin. Li şûna van qeymeqam ango qeyûmên cihê wan hatine guhertin qeyûm û qeymeqamên nû hatin tayînkirin. 

 

Li ser fermana Wezareta Karên Navxweyî di sala 2019’an de qeyûm tayînî ser şaredariyên Pasûr, Licê, Karaz, Gêl û Hezroyê yên Partiya Demokratîk a Gelan (HDP) hatibûn kirin.