AMED - Serokê TTB’ê Erînç Sagkan û serokên baroyên Kurdistanê ji ber operasyona binçavkirinê ya li dijî rojnameger, siyasetmedar, parêzer û hunermendan hatin Amedê.
Serokê Yekitiya Baroyên Tirkiyeyê (TBB) Erînç Sagkan û serokên baroyên Mûş, Riha, Semsûr, Şirnex, Mêrdîn, Êlih û Wanê bi boneya operasyona binçavkirinê ya li dijî rojnameger, siyasetmedar, parêzer, hunermend û sendîkavanan hatin Amedê. Sagkan, Serokê Baroya Amedê Nahît Eren û serokên baroyên din ji bo têkildarî lêpirsînê agahiyan bigirin derbasî Edliyeya Amedê bûn.
Sagkan û serokên baroyan dê têkildarî binçavkirinan bi meqamên lêpirsînê re hevdîtinan bikin.
Tê payîn ku Sagkan û serokên baroyan piştî hevdîtinan daxuyaniyê bidin.