Di berxwedana Geziyê ya bi çalakiyên şermezarkirina xebatên înşaeta Qişle ya Topçû yên di 17’ê Gulana 2013’an li Stenbolê dest pê kir de, polîsan bi fîşek û bombeyên gazê 12 kes kuştin. Di çalakiyan de nêzî 10 hezar kes birîndar bûn û 31 kesan bi fîşekên gazê yên polîsan çavê wan kor bûn. Bi dehan kes hatin binçavkirin û girtin. Lê hemû dozên hatin vekirin, bi beraetê bi encam bûn. Berxwedana Gezî ku nêzî 2 mehan dewam kir, mora xwe li dîroka Tirkiyeyê xist.  

 

Yek ji kesên di bûyeran de bi guleya polîsan jiyana xwe ji dest da Berkîn Elvan ê 14 salî bû. Elvan di 16'ê Hezirana 2013'an de li Semta Okmeydani ya Stenbolê dema ji mala xwe çû nan ji firinê bistîne polîsên ku mudaxaleyî çalakiyê kirin, bi guleya plastikê Elvan bi giranî birîndar kirin. Elvan li Nexweşxaneya Perwerdehiye ya Okmeydani piştî 269'an li ber xwe da, di 11'e adara 2014’an de jiyana xwe ji dest da. 6 sal di ser kuştina Elvan re derbas bûn.

 

BERKÎN SÛCDAR HAT DÎTIN 

 

Dagehê di dosyeya Berkîn Elvan de, piştî 6 salan, yekem car biryar da ku cihê bûyerê bê keşîfkirin. Miduriyeta Şaxa Lêkolînê ya Cihê Bûyerê ya Fermandariya Leşkerî ya Stenbolê rapor amede kir. Di raporê de asta qisûr a polîsan nehat aşkere kir û Berkîn Elvan bi hinceta ku ‘parastina xwe nekiriye’ bi qisûr hat dîtin. 

 

TÊKOŞÎNA EDALETÊ YA 6 SALIN DIDOME  

 

Di çarçoveya lêpirsîna kuştina Elvan de tenê ifadeya 18 polîsan hat girtin û tenê yek ji van weke faîl hat dîtin. Polîs Fatîh Dalgali yê bersûcê Elvan hîna jî li ser erka xwe ya û Wanê peywira xwe dewam dike. Bersûc Dalgalî, her tim bi SEGBÎS’ê beşdanişînê bû. 17’emîn danişîna Berkîn Elvan di 18’ê Adara 2020’an de wê li Edliya Çagalayan a Stenbolê bê dîtin. 

 

ODEYA BERKÎN HÎNA WEKE XWE DIMÎNE

 

Malbat, mîna her salê wê îsal jî, di 6’emîn kuştina Berkîn Elvan de wê wî li ser gora wî ya li Goristaina Ferîkoy bibîr bîne. Em çûn serdana malbata Berkîn û me derbarê têkoşîna wan a edaletê ya ku ev 7 salin dewam dikin de, axivî. Di malê de tişta herî balkêş, odeya Berkîn hîna weke xwe dimîne bû. Kesekê destên xwe nedane amûrên wî. Di odeya Berkîn de kincên nû kirîn, lê hîna li xwe nekirine hene. Dîsa telefona wî, pirtûkên wî yên dersê, kincên wî û hemû amûrên wî li cihê xwe dimîn in. Di odeya Berkîn de wêneyên wî yên hatine xêzkirin,  wêneyên wî yên hatine girtin û xelatên girtine hene. 

 

‘EM BI ÊŞA ZAROKÊ XWE DIJÎN’

 

Dayik Gulsum Elvan, derbarê salvegera kuştina kurê xwe de axivî û wiha got: “Aliyekê min bê Berkîn tim kême. Ez bi êşa zarokê xwe dijîm. Ev pir zore. Êdî cihê gotinê re nemaye. Kesên ku lawê min kuştin jiyana xwe dewam dikin. Di dosyeya wî de tenê kesek weke bersûc nîşan dan. Lê ez nafikirim ku kesekê tenê lawê min kuştibe. Ji kesên ku gotin, ‘min ferman da’ heya kesên li cihê bûyerê hemû berpirsê kuştina lawê min in. Ez tenê bi wî kesî îqna nabim.” 

 

‘DIVÊ QATIL BÊN DARIZANDIAN’

 

Dayika Elvan, da zanîn ku ev 6 salan di korîdorên edliyê de têkoşîna edaletê dide û wiha bilêv kir: “Her ku ez diçim edliyê, ez bi hesta polîtîkayên ne cezakirinê diçim. Ji ber vê yekê tu hêviyên min çênabin. Gelo heya niha kîjan qatil cezakirin ku qatilê kurê min jî ceza bikin? Dema ez diçim edliyê weke ku îşkenceyê bi min dikin. Ez lareş kirim. Hin caran tehemilê min namîne ji dadgehê derdikevim. Gelek caran ez vê pirsê ji xwe dikim. Çi karê te di dadgeha ku edalet lê tuneye de heye? Lê ji bo ku qatilên lawê min bên darizandin, tişta ji destê min were ezê bikim. Ezê hesabê ji qatilên kurê xwe bipirsim.”

 

‘DEWLETA NIKARE ZAROKAN BIPARÊZE SÛCDARE’

 

Dayika Elvan, bi van gotinan dawî li axaftina xwe anî: “Lawê min kuştin. Weke ku ev yek ne bes be, ‘terorîst’ înlan kirin. Piştî 6 salan cihê bûyerê keşîf kirin. Lê di rapora keşfê de jî, em sûcdar hatin dîtin. Zarok derket derve û ji bo ku nekarî xwe biparêze, em sûcdar kirin. Dewleta ku nikare zarokan biparêze sûcdare. Di qanûnên dewletê de heye. Divê heya 18 salî jî zarokan biparêze. Ma min ev qanûn derxistiye. Li gorî qanûnê zarok dibin parastina dewletê dene. Di 18’ê Adarê de wê 17’emîn danişîna lawê min bê dîtin. Ji bo edaletê ez banga tevlîbûnê li her kesî dikim.”

 

‘POLÎTÎKAYÊN NE CEZAKIRINÊ ZAROKÊN ME QETÎL DIKE’

 

Bavê Berkîn Samî Elvan jî, dest nîşan kir ku di nava 7 salan de edalet bi cih ne anîn û wiha got: “Pêşketine biçûk jî tuneye. Birîna me hîna weke roja dest pê kê nû ye. Li gel vê jî hêviya min heye. Ez her tim dibêjim. Ger qatilên Ugur û Ceylan bihatan darizandin, wê îro Berkîn nehat kuştin. Polîtîkayên ne cezakirinê, zarokên me qetil dike û ev rewş hîna jî dewam dike.” 

 

‘JI BO EDALETÊ EM TÊBIKOŞÎN’

 

Bavê Elvan, diyar kir ku ew dizanin dê lawê wan paşve nevegere û wiha dawî li axafgina xwe anî: “Lê ji bo edalet pêk were, em dikarin tiştekê bikin. Em ê di warê hiqûqî de têkoşîna xwe dewam bikin. Em baş dizanin ku li ser dosyeyê destek heye. Ceza nadin bersûn. Lê zarokên me dixin bin axê. Ji ber vê yekê doza Berkîn pir girînge. Pêwîstiya me hemûyan bi edaletê heye. Werin em ji bo edaletê têbikoşin.” 

 

MA / Semra Turan - Tolga Guney