Hevşaredarê Geverê Îrfan Sari ku pêr hat berdan, polîtîkayên qeyûman, girtina hevşaredaran û rewşa li girtîgehê nirxand.

 

Sari di 15'ê Cotmeha 2019'an de hatibû binçavkirin û di 17'ê Cotmehê de jî hatibû girtin.

 

Sari, got: "Ên avêtin ser mala min, te dgot qey ji bo înfazkirinê hatine. Çimkî bi çekên lûledirêj hatibûn. W gavê nçvtazî bûm û gotin 'Hema serê xwe rakir berdinê.' Ez dibêm wê kêliyê li ber wan rabûme muhtemelen wê înfaz bikirana. Wê çaxê min fêm kir ku ji bo çi hatine. Piştî hatim girtin ez şandim Girtîgeha Colemêrgê û ji wir jî min şandin Girtîgeha Tîpa T a Wanê. Li girtîgeha tîpa T ez xistim odeyeke 12 kesî. Kesên nû dihatin girtin dixistin vê odeyê û ev kes dihatin tecrîdkirin. Li wir jî nesekinîn. ferman a jorê bûye û diviya pêk bianiyana. Li wir hema bêje tecrîd hebû."

 

Sari, anî ziman ku paşê wî birine Girtîgeha Jimare 2'yan a Xarpêtê û got: "Ew girtîgeh bi awayekî profesyonel hatiye dîzaynkirin. Ji bo derûniya mirovan biqedînin û tune bikin hatiye avakirin. Li wir ne mimkun e mirov rojê bibîne. Tav li hewadariyan jî naxe. Du mehên ewil di hucreyeke yekkesî de mam. Demekê min mirov nedîtin. Lê piştî du mehan gava ji bo hevdîtina bi malbatê re derketim, min cara ewil mirov dîtin. Her wiha di dema axaftina bi telefonê de jî em yeko yeko dibirin. Nedihiştin em pêwendiyê bi kesî re deynin. Gava em derdiketin se rme kontrol dikirin û gava em dihatin jî dikirin. Ew girtîgeh cihê îzolasyonê bû. Nedihiştin em hevalên li girtîgehê bibînin. Berî bêm berden bi mehekê min hevalên li qawîşa din dîtin."

 

‘HATIM GIRTÎGEGEH MEZIN'

 

Sari, anî ziman ku ligel hemû zext û zoriyan jî li girtîgehê piştevaniyeke mezin hebûye û got: "Şertên li wir zor û zehmet bûn, lê belê girtî di hêla moral û motîvasyonê de pir bihêz in. Em bi saya piştevaniya wan li ser piya diman. Gava em hatin berdan, tenê daxwazek wan hebû ew jî xurtkirina têkoşînê bû. ez ji girtîgehek mezin derketim hatim girtîgeheke hîn mezintir. Derve girtîgehek e. Gava ji girtîgehê derketim derve polîsan malbata min dorpêç kiribû û heta em ji Xarpêtê derketin em şopandin. Ji girtîgeheke ku pirtûk lê qedexe bûn, name bi derengî dihatin şandin û dayîn, rojname bi awayekî kêfî nedidan û bi taybetî jî rojnameya Yenî Yaşamê, derketim. Ji girtîgeheke wisa derketim hatim girtîgeheke di nav şer û krîza aborî de."

 

Sari, destnîşan kir ku operasyonên tên kirin tenê ne binçavkirina hevşaredaran û tayinkirina qeyûman e û got: "Ev operasyon di heman demê de qedandina jiyana siyasî ya hevşaredaran û tunekirina bertekên demokratîk a civakê ye. Gava em li dosyeya me mêze dikin, dibînin ku ji bo em ji niha û pê ve siyasetê nekin li gor xwe hin tişt û hiqûq çê kirine. Tiştekî bêhiqûqî, lê wekî li gor hiqûqê be çê kirine. Di vê pêvajoyê de dixwestin civakê çavtirsandî û dîzayn bikin. Gava em çûn dadgehê me dît ku parvekirinên me yên medyaya civakiyî sûc in. Dîtin tiştek ji vê dernayê, vê carê kî li Geverê hatibe binçavkirin ji hemûyan pirsa min kirine û bi vî awayî xwestine sûcekî çê bikin. Ji karsazên hatine binçavkirin pirsîne, 'Tu Îrfan Sari ji ku nas dikî, we pere dan wî?' Lê dîtin tiştekî bi dest naxin rabûn bi îdiaya propagandayê sal û 3 meh ceza birîn. Li vira em dibînin ku rola polîsaê baş û xirab heye."

 

‘WÊ GEL BAJARÊ XWE BI RÊ VE BIBE'

 

Sari, ji bo polîtîkaya qeyûman jî got: "Polîtîkaya qeyûman a ewil bi ser neket. Çimkî qeyûmên hatibûn, ji dêvla deverên hatibûnê bikin devera îcraatê, rabûn ji bo berjenwendiyên xwe yên şexsî vala kirin û rûxandin. Tiştekî din jî, ji bo tecrûbeya heyî ya şaredarşvaniyê bi temamî biqedînin. Piştî serdema ewil a qeyûman derket holê ku çi anîne serê bajaran. Me jî li ser vê enqzî dest bi pêvajoyeke nû a avakirinê kir. Lê AKP'ê ji bo careke din xwe bispêre netewperestan dîsa heman tişt kir. Qadên qeyûm qadên xespkirî ne."

 

Sari, anî ziman ku lê belê çi dibe bira bibe wê ev partî dîsa bajarên xwe bi rê ve bibe û got: "Çi dibe bira bibe, wê ev partî, wê ev tev ger alayê dîsa bigire û bajarên xwe bi rê ve bibe."