ÊLIH - Şaredariya HDP'ê ya Êlihê, Navenda Piştevaniya Jinê ya SELÎS'ê ku ji aliyê qeyûm ve hatibû girtin, ji nûve vekirin.
Di sala 2016'an de piştî qeyûm tayînî şaredariya Êlihê ya DBP'ê kirin, qeyûm Navenda Piştevaniya Jinê ya SELÎS'ê girtibû. Piştî Şaredariya Êlihê di hilbijartina 31'e Adarê de ket destê HDP'ê, şaredariyê ji nûve Navenda Piştevaniya Jinê ya SELÎS'ê vekirin. Hevşaredara Êlîhê Songûl Korkmaz, Parlementera Partiya Demokratîk a Gelan(HDP) ya Êlîhê Feleknas Uca, Aktivîstên TJA'yê û Meclîsa Jinên HDP'ê tevlî vekirina saziyê bûn. Ewil Hevşaredara Êlîhê Songûl Korkmaz, diyar kir ku ew wekî şaredariya Êlîhê wê li her qadan xebatên xwe ji bo jinan bidin meşandin û wiha got: "Her kes dizane Navenda me ya jinê SELÎS'ê 2 sal berê ji hêla qeyûm ve hatibû girtin. Lê îro dîsa em li vir in. Carek din em saziya jinan vedikîn da ku xizmeta jinan û gelê xwe bikin. Em gelek kêfxweş û dilşad in ku me careke din saziya xwe vekiriye. Bê guman, em naxwazin ku her jinek tundî û destdirêjiyê bibîne. Lê heke rastiyek wisa hebe, pêdivî ye ku jin komeleya jinan hebe. Me komeleya xwe vekiriye ku jin werin û pirsgirêkên xwe bi rihetî ragihînin û komele ji wan re çareser bike. Spasiyên xwe pêşkêşî hevalên ku îro li vir in û em tenê nehiştin dikin."
EM Ê PIRSGIRÊKAN ÇARESER BIKIN'
Songul Korkmaz, anî ziman ku dixwazin tundî û qirkirina li dijî jinan bi dawî bibe û got: "Em dixwazin di sedsala 21'emîn de tundiya li ser jinan û qirkirina jinan bi dawî bibe. Du meh berê Gulistan Doku winda bû û hê jî nehatiye dîtin. Li dijî van pirsgirîkan, ji bo çareseriyê em ji nûve Navenda Jinan SELÎS vedikin."
Parlementera HDP'ê ya Êlîhê Feleknas Uca jî bal kişand ser girîngiya vekirina SELÎSÊ û got: "Em di hefteya 8'ê Adarê de ne. Ji nû ve vekirina SELİS'ê di çarçoveya 8'ê Adarê de ji bo me pir watedar û girîng e. Ji ber ku SELİS ne ji bo jinên Êlihê tenê, ji bo hemû jinan jî cîhek girîng e. Navenda Piştgiriya Jinê, ya ku dikare di her qadê de alîkariya jinan bike, ji aliyê hişmendiya desthilatdar ve hate girtin. Lê îro, em di hefteya 8'ê Adarê de careke din SELÎS'ê vedikîin. SELÎS navnîşana hevpar a hemû jinan e. "
Jinan SELÎS bi tililî û dirûşmeya "Jin Jiyan Azadî" vekir.