Piştî li Îdlîbê Rûsya û Artêşa Sûriyeyê gelek eskerên Hêzên Çekdar ên Tirk (TSK) kuştin, Serokê Giştî yê AKP'ê û Serokomar Tayyîp Erdogan, gotibû "me sînor vekir" û piştî vê daxuyaniyê bi deh hezaran penaber bi otobêsan ber bi sînor ve hatibûn veguhastin. 

 

Li Stenbolê jî li gelek deveran jî ji bo penaberan veguhêzînin Edîrneyê otobês di dorê de ne. Yek ji van deveran jî qadên Aksaray û Zeytînbûrnûyê ne. Li meydana Aksarayê, fîrmayên otobêsan standên xwe vedane. Çend penaberên diin van standan, bi tirkiyeke şikestî bazariyê dikin. Penaberek nêzî standê dibe û perên di bêrîka xwe de derdixe û peyvên "garantî, polîs" li ser hev du dubare dike. Peywirdarê standê jî hewl dide penaber qaneh bike û dibêje, ew di fîrmaya Metroyê de dixebite, wê polîsa alîkariya wan bike. 

 

‘ŞERT Û MERCÊN TIRKIYEYÊ NE INSANÎ NE' 

 

Ahmetê ku li meydanê sekinandî ye jî dixwaze biçe. Ahmet sê meh berê ji Qamişlo hatiye Tirkiyeyê û bi şertê serçavê wî neyê xuyakirin diaxive. Ahmet, diyar kir ku piştî daxuyaniyên Erdogan hatiye û li bendê ye biçe sînor û got, li Tirkiyeyê şert û emrcên karî kêm in û şertên karî ne insanî ne û loma dixwaze biçe Ewropayê. 

 

Mûhammed Saîdê ku ji Hesekê jî hatiye dibje piştî daxuyaniya Erdogan biryar daye biçe sînor û lê belê xwestiye biçe Yûnanîstanê lê belê polîsên Yûnanîstanê nehiştine. 

 

Qada Zyetîbûrnûyê jî hema bêje veguheriye kampa kombûnê ya penaberan. Kom bi kom ciwan hene û li bendê ne sînro derbas bikin. Ajovanên ku bi wesayîtên xwe li dor meydanê ne jî ji bo ciwanan bibin sînor wan qaneh dikin û heqê rê nîvî nîvî dadixin. Kesê dibêje ew "xebatkarê komeleyê" ye û demeke dirêj e ji Afxanîstanê hatiye Tirkiyeyê, diyar dike ku noqteyên ewle yên derbasbûyînê dizane û dibêje, bi pereyan ciwanan derbas dike. 

 

Ji ciwanên li qadê kom bûne Ferhat Ekberê Afxanî diyar kir ku roja ewil çûye sînor, lê belê nehiştine. Ekber, destnîşan kir ku şert û mercên li Tirkiyeyê zehmet in û got, gava wan paş ve zîvirandine polîsên Yûnanîstanê dest danîne ser telefona wî û pereyên wî. 

 

Her wiha bi dehan malbat jî hene. Amûrên xwe xistine kîsan û çenteyên piştan û li bendê ne biçin. Bi wan re zarokên wan î çend mehî û temenê wan li dor 7-8 salan jî hene. Malbatan hin qarton li qadê raxistine û li ser wan rûdinên. Ferdê malbatekê Alî, anî ziman ku 2 sal berê ji Afxanîstanê hatine Tirkiyeyê. Alî, diyar kir ku dixwazin bi malbatî ji Tirkiyeyê biçin û niah ditirse ku li meydanê tiştek bê serê malbata wî. Alî, got: "Ez, zarokên xwe û diya xwe pev re ne. xaniyê min tuneye. Du sal in li vira me. Serokomar got, min derî vekiriye û biçin. Lê deriyên Yûnanîstanê girtîne. Ka ez ê bi ku ve biçim, pere jî tuneye. Ji Kirikkaleyê hatim, dixwazim vegerim. Lê cendirme nahêlin."