*Rêberê PKK’ê Abdullah Ocalan di hevdîtina piştî 8 mehan a bi birayê xwe Mehmet Ocalan re kir de, wiha got: “Ger hûn nebin hêz, wê tu kes ji bo we pirsgirêkê çarezer neke. Divê hûn bibin hêz. Maseya li Tirkiyeyê du linge. Hûn neçarin ku bibin linge sêyemîn. Ger mase bibe sê ling wê ne keve. Avabûna lingê sêyemîn jî wê bi mezinbûnê pêkan be."
* Nûnera Yekitiya Komîteyên Jinê ya Fîlîstînê Abeer Abû Khadaîr, diyar kir ku rizgariya Fîlîstînê bi rizgariya jinê ve pêkane. Seroka Yekitiya Jinên Demokratîk a Tûnûsê Yosra Frawes jî, da zanîn ku îsal wê çalakiyên 8’ê Adarê bibin xala şikestinekê.
* Di ser erdheja Elbakê re 11 roj derbas bûne, lê belê hê jî pirsgirêkên mexdûran nehatine çareserkirin. Gundiyên ku di warê paqijî, germkirin û hêwirandinê de zehmetiyê dikişînin, ji bo pêdiviyên xwe serlêdan kirine lê belê hê jî serlêdanên wan nehatine bersivandin.
* Îdianameya Hevşaredara Pirsûsê Hatîce Çevîk hatiye amadekirin. Çevîk ku qeyûm tayînî şûna wê hatiye kirin û girtiye, bi girtina karkerên ku bi destûra qeymeqam hatine girtin û îhaleyên qeyûmê berê tê sûcdarkirin.
* Havva Zor, ji ber ku hevjînê wê Mîkaîl Zor şidet lê dikir û keça wê taciz dikir, xwe parastibû û ew kuştibû. Zor, got: "Heger ez bimirama wê bigotana 'me heyfa namûsa xwe stend'. Min kesê çav berdabû namûsa min kuşt." Zor, ji bo 8'ê Adarê got, divê jin mil bidin milê hev du.
* Nûran Ozkan, diyar kir ku ji bo pirsgirkên jinan hel bikin Platforma Jina ya Bornovayê ava kirine û got: "Werim em bi hev re li hemberî krîz, betalî, taciz, tecawiz û komkujiyan têkoşînê bilind bikin. Ne tirsê kêfxweşiyê, ne fikaran hêviyê parve bikin."
* Hevşaredara Êlihê Songul Korkmaz, diyar kir ku jinan bi pergala hevserokatiyê xwe afirandine û got, ew ê beriya 8'ê Adarê Navenda Jinê ya SELÎS'ê ku qeyûm girtibû dîsa vekin.
* Li navçeya Pulurê Aysel Gîdrîk, ji xwe re tezîxaneyek biçûk vekiriye û şelwar, çente hwd. didirû û pê debara xwe dike. Her çend Gîdrîk jî nesîbê xwe ji krîza aborî girtiye, lê dîsa jî dibêje ew ê dev ji hilberînê bernede.
* Tê gotin li Cizîrê, xwediyên qafeyên ku piştî qedexeyên derketina derve hatine vekirin, nahêlin xebatkarên wan bi kurdî biaxivin.
* Dîroknas û Lêkolîner Dr. Sedat Ûlûgana der barê giringî, kêmasî û hewcebûnên nivîsandina dîroka kurdan de bang li dîroknasên kurdan kir û xwest ku dîroknas di xebatên dîroka kurdan de êdî pirtûkê zarokan jî binivîsînin.
* Di çarçoveya 8'ê Adarê Roja Jinan a Cîhanê de dê li gelek navendan çalakî û şahî werin birêvebirin. (12.00-19.00)
* Dê danişîna kesên ji Doza Nisêbînê ya serdema qedexeya derketina derve tên darizandin li Dadgeha Mêrdînê dewam bike. (10.00 - 17.00)
* MED TUHAD-FED dê li avahiya komeleya xwe têkildarî hevdîtina malbatan a li Îmraliyê civîna çapemeniyê li dar bixe. (11.00)
* Danişîna doza rojnameger Kenan Kirkaya dê li Dadgeha Enqereyê were lidarxistin. (11.30)
* Rêxistina HDP'ê ya Îzmîrê wê têkildarî jinên penaber li avahiya xwe civîna çapemeniyê li dar bixe. (14.00)
* Danişîna ewil a doza nûçegihana me Rûken Demîr a girtî tê darizandin dê li 19'emîn Dadgeha Cezayê Giran a Îzmîrê bê lidarxistin. (16.00)