Buroya Hiqûqê ya Asrinê, têkildarî hevdîtina malbatan a bi Rêberê PKK'ê Abdullah Ocalan, Omer Hayrî Konar û Veysel Aktaş re daxuyaniyeke nivîskî weşand. 

 

Daxuyaniya Buroya Hiqûqê ya Asrinê wiha ye: 

 

"Muwekîlên me Brêz Abdûllah Ocalan, Brêz Omer Hayrî Konar û Brêz Veysel Aktaş ku li Girtîgeha Îmraliyê girtî ne, di 03.03.2019'an de bi malbatan xwe re hevdîtina vekirî pêk anîn. Hevdîtin, di encama bertek û hesasiyeta gelê kurd û raya giştî ku piştî şewata li Girava Îmraliyê derket holê, pêk hatiye.

 

ŞEWAT HAT PIŞTRASTKIRIN

 

Malbatan, di serdena xwe ya li Girava Îmraliyê de şewatê piştrast kirin. Hatiye dîtin ku bi giştî rewşa muwekîlên me baş e û ji şewatê bi bandor nebûne.

 

Lê rengê pêkanîna tecrîda li Girtîgeha Îmraliyê, timik malbatan û raya giştî dike nav rewşeke bi xemgîn û dilnerehet. Lewre yek ji mafên bingehîn ê girtiyên li girtîgehan ê hevdîtina bi malbat û parêzeran re tu demê li Girava Îmraliyê bi awayekî hiqûqî nehatiye bicih, weke amûreke şantaş û gefê hatiye nirxandin. Weke îro jî tê dîtin ji sala 2011'an ve tenê di rewşên awarte yên mîna grevên birçîbûnê û şewatê de pêk hatiye. Ne ji hêla hiqûqî ve ne jî ji hêla ehleqî ve aliyekî vê rewşê yê bê qebûlkirin tuneye.

 

DESTNÎŞANKIRINA 2019'AN

 

Me hîn kir ku Brêz Ocalan bi hêz û moral bûye û tenduristiya wî di cih de ye. Di hevdîtina bi birayê xwe Brêz Mehmet Ocalan re careke din hêza xwe ya çareseriyê ya ji bo qrîza siyasî ya Tirkiye û Rojhilata Navîn destnîşan kiriye. Diyar kiriye ku sekna xwe ya di hevdîtinên di sala 2019'an de daniye holê, hê bi hêztir berdewam dike. Geşedanên siyasî yên di demên dawîn de pêk tên, mafdariya Brêz Ocalan derdixin holê û di vê atmosferê de tecrîda ku li Îmraliyê pêk tê li dijî pêşeroja gelan e. 

 

Em ji bo bidawîkirina tecrîda ku bi awayekî bê hiqûqî tê pêkanîn û di heman demê de li dijî vîna pêkve jiyana aştiyane ya gelan e bang dikin. Geşedanên ku di vê mijarê de pêk hatine pêşkêjî raya giştî dikin."