Vîrûsa Corona ku li bajarê Vuhan ê Cîhê di Kanûna 2019'an de derket holê, heta niha li nêzî 60 welatan belav bûye.  Tê diyarkirin ku heta niha di 90 hezar mirov de hatiye dîtin. Ji kesên ku ev vîrûs ketiye xwina wan jê 3 hezar kesan jiyana xwe ji dest dane. Li welatên Ewropayê heta niha vîrûs bi 2 hezar û 199 kesan re hat dîtin û 38 kesan jiyana xwe ji dest dane. 

 

Wezîrê Tenduristiyê Fahrettin Koca, di 2'ê adarê de daxuyani da û diyar kir ku vîrûsa Corona li Tirkiyeyê nehatiye dîtin. Ji bo têkoşîna li dijî vê vîrûsê di bin baneyê Wezareta Tenduristiyê Lijneya Zanistiyê ya Vîrûsa Corona ya Nû hat avakirin. Yekîtiya Tabîban a Tirk (TTB) jî bi armanca şopandina vîrûsê Koma Şopandinê ava kir. Têkildarî vîrûsê û polîtîkayên hikûmetê yên li dijî vê yekê Serokê Konseya Navendî ya TTB'ê Sînan Adiyaman, bal kişand ser gefên nexweşiyan û pirsa "Li gelek welatê cîhanê belav bûye, lê çima heta niha li Tirkiyeyê nehatiye dîtin?" bersivand. Adiyaman, destnîşan kir ku testa vîrûsa Corona li ser hemû welatiyên Tirkiyeyê nehatiye kirin û wiha got: “Ger ku hûn tenê li ser 200-300 nexweşan testê bikin hûn nikarin tespît bikin. Nexweşiya Corona ji nexweşiyên din cudatir e. Ev vîrûs li ser gelek kesan semptom (nîşanê) xuya nake. Wekî nexweşiyek sivik tê û diçe. Ji ber vê yekê kes testa wê nake. Divê nexweşiyek wisa bi lez testa wê bê kirin. Nexweşî belav bû, lê rêjeya mirinê zêde nebû. Ev mirovan kêfxweş dike. Zanyaran jî texmîn dikir ku dê nêzî 2 hezar û 2,5 hezar mirov jiyana xwe ji dest bidin. 

 

Lê divê dîsa mirov vê vîrûsê cîddî bibîne û li gorî wê amadekariyên xwe bike. Her çend heta niha li Tirkiyeyê ev vîrûs nehatibe dîtin jî divê amadekarî û tedbîrên baş bên girtin. Li Tirkiye her çend ji bo vê vîrûsê tedbîr hatibin girtin jî amûr û ekîbê vê yekê kêm in. Divê li hemû nexweşxaneyan tedbîr bên girtin. Hevalên me diyar dikin ku rûpoş nehatine temînkirin. Divê dewlet berî her tiştî tedbîra ji bo personelên tenduristiyê bistîne. Ne li Nexweşxaneyan bi rêya Odeyên Tabîban Pergala Tora Agahiyan ava kiriye. Zû an jî dereng ev Vîrûs dê xwe bigîne Tirkiyeyê. Ev jî nîşan dide ku dê bi milyonan mirov  jiyana xwe ji dest bidin. Tê payîn ku 300-400 bûyer çêbibin. Ger ku amadekarî baş bên kirin Tirkiye dê serkeftî vê nexweşiyê derbas bike. Tu wateya ku vê nexweşiyê veşêrin tune ye. Ez nafikirim ku ev nexweşî tê veşartin. Naxwazim bînim aqilê xwe jî. Ger ku bê tespîtkirin em ê bi raya giştî re parve bikin. 

 

Rêbaza herî baş divê bi rêk û pêk mirov destê xwe bişo û xwe û dora xwe paqij bigire. Divê herî kêm 20 saniyeyan destê xwe pişo. Herîk êm nava tiliyên xwe baş bişo. 

 

MA / Emrullah Acar