STENBOL –Li Nexweşxaneya Lêkolîn û Perwerdehiyê ya Hasekî ya Stenbolê polîsan li Mehmet Yaman îşkence kir. Ji ber îşkenceya polîsan xwîn çû ser mejiyê Yaman û 10 rojin odeya venêrtina zêde de tê dermankirin. Malbata Yaman li dozgeriyê gilî kirin û dozger qeydên kamerayê xwestin. Lê rêveberiya nexweşxaneyê got "Kamera ne di qeydan de bûn". Piştre di dîmenên qamerayên din de hat dîtin ku polisan bi dijwarî li Yaman îşkence kiriye.
Di 15'ê Sibatê de li Navçeya Fatîhê ya Stenbolê Mehmet Yaman ê 48 salî rastî tundiya polîsan hat. Yaman di encama lêdana polîsan de xwîn çû ser mejiyê wî û rakirin nexweşxaneyê. Yaman 10 rojin li Fakulteya Tipê ya Zanîngeha Çapa ya Stenbolê di beşa venêrtina zêde de tê dermankirin. Yaman hêj hişê wî nehatiye serê wî û talûkeya mirinê ji ser xwe neavêtiye. Yaman ê rastî lêdan û êrîşa polîsan hat aliyekî wî felç bûye û gelek hestiyên wî hatine şikandin. Malbata Yaman, ji bo îşkencekar bên darizandin û cezakirin dest bi têkoşîna hiqûqî kirin. Malbata Yaman ewil serî li Şaxa ÎHD'ê ya Stenbolê dan. Piştre serî li Serdozgeriya Komarê ya Stenbolê dan.
'QAMERA NE DI QEYDÊ DE BÛN'
Piştî parêzerên malbatê serî li dozgeriyê dan, dozger xwest qamerayên Nexweşxaneya Lêkolîn û Perwerdehiyê ya Hasekî bên lêkolînkirin. Lê rêveberiya Nexweşxaneyê got “Qamera ne di qeydê de bûn" û xwest dîmenan veşêre.
‘30 KESAN ÊRÎŞÎ MIROVEKÎ KIRIN'
Her çend rêveberiya Nexweşxaneyê diyar kir ku dîmen li cem wan tune jî di qamerayên din de derket holê ku bi dehan polîsan êrîşî Mehmet Yaman kirine û îşkence li wî kirine. Di dîmenan de tê dîtin ku polîs li ser kolanê direvin û xaza xwezayî davên Yaman. Zarokekî li wir dibêje 'Bira xaza îsotê davêjin wan. We dît çek berdan wan. Tu tirsonekan dibîne ne wisa? 30 kesan êrîşî yekî kirin. Xwedê mezin e." û tundiya polîsan a li dijî Yaman nîşan dide. Di dîmenan de tê dîtin ku biraziyê Mehmet Yaman Muhammet Yaman destê wî li pişt wî kelepçe dikin û wî binçav dikin.
Di dîmenan de hat dîtin ku Muhammed Yaman û birayê xwe rastî êrîşa komek polîs tê. Dayika Muhammed Yaman Guler Yaman jî hewl dide xwe bigîne wan û ji polîsan re dibêje 'Wisa nekin'
Di dîmenek din de jî tê dîtin ku piştî polîsan îşkence li Mehmet Yaman kir, Yaman ji ser hişê xwe çûye û bi sedyê wî dadikin nexweşxaneyê. Biraziyê Mehmet Yaman Mert Yaman jî ji bo mamê xwe Mehmet biparêze xwe dike sîper. Dîsa wêneyê ku polîsan îşkence kiriye jî hatin dîtin. Di wêneyan de jî tê dîtin ku Yaman rastî îşkenceyê hatiye û rûyê wî reş û şîn bûye.
Di 15'ê Sibatê de dema Muhammet Yaman ê 16 salî ji cihê kar diçe malê, polîsên “Yunus” wî li ser rê didin rawestandin û nasnameya wî li GBT'ê dixin. Polîsan li nasnameya Muhammet nerîbû û heqaret lê kiribûn. Ji ber Muhammed polîs hişyar kirin, polîsan destê Muhammed li pişt wî kelepçe kirin û bi lêdanê binçav kirin û birin Şaxa Zarokan a Midûriyetea Polîsan a Fatihê û piştre birin Nexweşxaneya Hasekî. Dema Guler Yaman û tiyê xwe Mehmet Yaman, xwe ji bo Muhammed Yaman kirin mertal, polîsan li Mehmet Yaman xistibûn. Yaman di êrîşa polîsan de birîndar bû û xwîn çûbû ser mejiyê wî.
MA / Îdrîs Sayilgan