Nûçegihanê rojnameya Yenî Ulke Cengîz Altûn ê di 24’ê Sibata 1992’yan de bi boneya têkiliyên dewlet û Hîzbullahê derxist holê, rastî êrîşa bi çek hat û hatibû qetilkirin. Altun di salvegera qetilkirina xwe ya sala 28'emîn de li ser gora xwe ya li Goristana Çamlica ya li Êlihê hat bibîranîn. Malbata Altûn û hempîşeyên wî tevlî bîranînê bûn. Kesên beşdarî bîranê bûn, piştî deqeyek rêzgirtinê, qûrnefîl danîn ser gora Altûn.

 

KÊLIYÊN BI HESTIYAR HATIN JIYÎN

 

Dayika Altûn Turkan Altûn, ligel pirsgirêkên xwe yên tenduristiyê û temenê xwe yê mezin jî, beşdarî bîranê bû. Dayika Altûn wêneyê kurê xwe maç kir û got: “Cengîzê min ez nebûm qûrbana te.” Ev gotina dayika Altûn bu sedama kêliyên hestiyar. 

 

‘KURÊ MIN ROJNAMEGERÊ GEL BÛ’

 

Dayika Altûn, piştî xwendina duayan bîranên kurê xwe vegotin. Altûn, wiha got: “Dema ku kurê min ev wenê kişand pir lez kiribû. Karê wî her tim bi lez bû. Ji ber vê pistûya xwe jî sererast nedikir. Kurê min rojnamegerê vî gelî bû. Rojê hat malê û got, ‘Hizbûllah mirovan parçe dikin û ez ê wan derxînim holê.’ Ew derxistin holê jî. Kurê min rastî derxistin holê. Ji ber vê kuştin. Lê îro bi dehan kurên min hene.”

 

Bîranên piştî duayên hatin kirin, bi dawî bû.