Bi ser komploya navneteweyî ya di 9’ê Cotmeha 1998’an de, li dijî Rêberê PKK’ê Abdullah Ocalan dest pê kir û di 15’ê Sibata 1999’an de teslîmî Tirkiyeyê hat kirin re, 21 sal derbas bûn. Ocalan li Girtîgeha Îmraliyê dibin tecrîdek girankirî de tê girtin. Lê ligel vê jî, Ocalan di her fersendî de hewl dide pirsgirêka gelê kurd bi rêyên aştiyane çareser bike û ji bo vê gelek pêşniyarên wî hene. Welatiyên Stenbolê, derbara komploya navneteweyî ya li dijî Rêbeberê PKK’ê Abdullah Ocalan de axivîn û bertek nîşan tecrîda li ser Ocalan dan 

 

'MIROV XWIŞK Û BIRAYÊN XWE TECRÎD NAKE’

 

Welatî Huseyîn Balman, diyar kir ku tecrîd sûcê mirovahiyê ye û wiha axivî: “Ne pêkane ku em vê tecrîdê qebûl bikin. Di şexsê Ocalan de gelekê tecrîd dikin. Îro 20 mîlyon gel hatiye tecrîdkirin. Tecrîda li ser gelê kurd, di heman demê tecrîda li ser tevahiya Tirkiyê ye. Ger dewlet jidil nêz bibe, wê Ocalan krîz û kaosa heyî çareser bike. Ger tecrîd rabe, wê hemû pirsgirêk, bêkarî û întîxarên mirovan jî bi dawî bibin. Niha Rojhilata Navîn kirine deryaya xwînê. Tirkiye divê ji bo aştiyê pêşengtiyê bike. Ger pirsgirêka kurd çareser nebe, wê pirsgirêkên li Tirkiyeyê jî çareser nebin.”

 

‘EW SEROKÊ GELANE’

 

Rewşan Dûner jî, komplo şermezar kir û gotf: “Di dema grevên birçîbûnê de, gelek kesan bi şîara ‘hûn nikarin roja me tarî bikin’ canê xwe feda kirin. Ez wan kesan bibîr tînim. Lêgerînên çareseriyê yên dewletên cîhanê yên ji bo Rojhilata Navîn û Tirkiyeyê ne jidilin. Ocalan ev 21 salin li Îmraliyê, ji bo pirsgirêkan li çareseriyê digire. Pêdivaiya azadî, aştî û wekheviya gelan datîne holê. Ew ne tenê serokê gelê kurde, di heman demê serokê hemû gelên Rojhilata Navîne. Yê ku rêya azadiyê nîşanî gelan dike tenê Ocalane.”

 

‘ÇARESERÎ OCALAN ES’

 

Dûner, xwest tecrîda li ser Ocalan rabe û wiha got: “Divê li gel Ocalan diyalog bê pêşxistin. Ji ber ku çareserî ewe. Em tecrîd qebûl nakin. Sedema krîza siyasî û aborî ya li Tirkiyeyê tê jiyîn, tecrîdkirina Ocalane. Ger tecrîd rabe wê gelên kurd û tirk li Tirkiyeyê nefes bigirin. Ez bang li sazî û partiyên kurdan dikim. Ger em jiyanekê bê şer dixwazin wê demê divê em vê tecrîd bişkin in.” 

 

‘DAXWAZA ME YA EDALET Û AŞTIYÊ HEYE’ 

 

Welatî Gulşen Dag jî, da zanîn ku heye tecrîd dewam bike ewê narkin besha aştiyê bikin û wiha bilêv kir: “Heya ku Ocalan azad nebe, aştî û azadî naveke mala tu kesî. Em edalet û aştiyek bi rûmet dixwazin. Aştî di destê wî deye.”

 

Seyît Esmeray ê 70 salî jî, dest nîşan kir ku ew tu carî tecrîda li ser Ocalan qebûl nake û wiha got: “Ji berk u Ocalan aştiyê dixwaze, dengê wî ji civakê qût dikin. Em her tim daxwaza xwe ya edalt û aştiyê tînin ziman.”

 

Fatma Yildiz jî, komploya navneteweyî şermazar kir û wiha axivî: “Bi awayekê lezgîn divê ev şer raweste û aştî pêş bikeve. Em daxwaza aştiyê dikin. Ew çiqasê me bigirin û bikuşin jî, wê têkoşîna me dîsa bi ser bikeve. Malên me hemûyan şewitandin û em sîrgûn kirin. Em tu carî dest ji doza xwe ya  aştiyê bernedin.” 

 

‘GEL DI FERQA DEREWÊN WAN DE YE’

 

Emîne Kaya ya 40 salî jî, diyar kir ku tecrîd encex bi bertekan rabe û wiha got: “Divê em li dijî zext û êrîşan bêdeng nemînin. Em niha teslîmê bêdengiyê bûne. Divê em tim dengê xwe bilind bikin. Lazime ku em tim li ser piyan bin. Ji bo gotina Erdogan û AKP qediyaye. Sedema hemû pirsgirêkên li Tirkiyeyê Erdogane. Erdogan ji bilî zirarê tu tişteke din neda me.”