Li gundê Xerabê Bava ya navçeya Nisêbîn a Mêrdînê, bi ser qedexeya di navbera 11'ê Sibat û 2'yê Adara 2017'an de hatibû îlankirin, 3 sal derbas bûn. Lê ligel ku 3 sal bi ser qedexeyê re derbas bûn jî, hîna birînên wan rojane sax nebûne û ew roj nemahtine ji bîr kirin. 

 

Wê demê li Xerabê Bava, piştî pêkanîna qedexeyê operasyonek mezin a leşkerî dest pê kiribû. Di dema operasyonê de leşkeran gelek şikeftên dîrokî yên weke mal, axûr û depoyên erzaqê dihatin bikaranîn, bi hinceta “ewlegehin” bi kepçeyan hilweşandin.

 

Li gundê ku gelek mal zirar dîtin, gelek hewyan hatin kuştin. Komeleya Mafê Mirovan (ÎHD) ev bûyer kir rapor û ji raya giştî re parve kir. 

 

SOYLÛ ÎŞKENCE PARAST!

 

39 welatiyên di dema operasyonê de hatin binçavkirin û heya demek dirêj agahî ji wan nehat girtin, rastî îşkencê hatin. Ji kesên hatibûn binçavkirin Abdî Aykût, bi wêneyên wî yên hatibûn kişandin, îşkenceya li welatiyan hatibû kirin, hat piştraskirin.  Piştî ku wêneyên Aykût ên rastî îşkencê hatibû, derketin holê, Walîtiyê û Wezîrê Karê Hûndir dest pê kê bûyer red kiribûn. Wezîkarê Karê Hûndir Suleyman Soylû, dûre derbarê bûyerê de axivî bû û bi gotin, “Ji derveyê dewleta hiqûqê tu tiştek din nayê kirin. Ew zilamê extiyar mala xwe ji terorîstan re vedike” îşkence parasti bû. 

 

Dîsa di dema qedexeyê de 3 kesan jiyana xwe ji dest dan. Walîtiya Mêrdînê û Wezîrê Karê Hûndir, îdîakiribûn ku her sê di pevçûnê de hatine kuştin. Lê li gorî şahidan, her sê kes bi saxî hatin girtin û dûre hatin kuştin. 

 

WELATIYAN BERAET KIRIN   

 

Piştî daxuyaniya Soylû, ji kesên hatibûn binçavkirin Abdî Aykût, Hatîp Tûnç, Rifat Bayhan, Behçet Koçan, îsmaîl Ay, Abdulmecît Bal û Vesfî Dogan, di dadgehê de bi sûdariya “Alîkarî dayîna rêxistinê” hatin girtin. Welatî piştî girtina 6 mehan, di danişîna yekemîn de hatibûn berdan. Di darizandina dewam dikir de welatiyan beraet kirin û dadgehê Wezareta Karê Hûndir mehkûmê tezmîneta 18 hezar TL kir. 

 

ŞOPÊN BÛYERÊ LI HER DERÎ HENE 

 

Li ser bûyerê re gelek dem derbas bû, lê ligel vê yekê jî şopên texrîbata li gund hatin kirin, hîna li her derê xuya dikin. Ji wê rojê û vir ve, dem bi dem li gund qedexe tên îlankirin. Malên ku li gund hatin hilweşandin, ji aliyê rêxistinên civaka sivîl û welatiyan ve hatin tamîrkirin, lê hîna jî gelek binecihên xirab bûne hene.

 

HER KU AYKÛT WÊ DEMÊ BIBÎR TÎNE PÊ BANDOR DIBE

 

Aykût ê piştî qadexeyê hatibû binçavkirin û rastî îşkenceyek giran hat, hîna jî ew roj ji bîr nekiriye. Aykût ê pirgirêkên wî yên tenduristiyê agiran bûne û dibin bandora  wan rojan de me ya, diyar kir ku roja bûyerê ji ber ku hat binçavkirin, tu tişt nedîtin. Aykût da zanîn ku her ku ew wan rojan bibîr tîne, pir xerab dibe û wiha got: “Lê ligel vê yekê jî, ez şopa bûyerê di her quncikeke mala xwe de vedişêrim. Ez naxwazin derbarê wan rojan de bi axivim. Ji ber ku pê bandor dibim û rewşa min ne baş dibe.”

 

ŞOPA KU EV 3 SALIN WINDA NEBÛ YE

 

Hevjîna Aykût Vedîa Aykût jî, da zanîn ku di dema qedexeyê de tevahiya mala wê şewidandin û wiha axivî: “Tu tiştekê min nema. Min telefonên zarokên xwe yên hatibûn şewitandin û şûşeya çayê ya şopên wê rojê li ser heyî kirin kîsekê û veşartin. Şûşeya çayê ji ber şewatê reş bûye. Ez hîna jî vê şûşeyê bi kevçiyê wê ve vedişêrim.”

 

Aykût, dest nîşan kir ku dema vegeriyan mala xwe her tiştê wan şewitî bû û wiha got: “Her tişt bibû reji. Mala me şewitandin. Em neçar man ku ji zarokên xwe cuda bijîn. Nêzî 8 mehan, ez bi keça xwe re bi tena serê xwe li vê derê man. Ev şûşe tenê mabû li vê derê. Her der mîna vê  şûşê bibû. 8 mehên min dinava êş û xemgîniyê de derbas bûn. Heya ku ez saxbim ezê wan rojan, wê qehrê û wê êşê ji bîr nekim. Wê her tim di aqilê min de bimîne.” 

 

MA / Ahmet Kanbal