Balafira aîdî Şîrketa Pegasûsê roja çarşemê li dema ji Îzmîrê diçû Stenbolê li Balafirgeha Sabîha Gokçen a Stenbolê ji pîstê derket û qeza kir. Di qezayê de 3 kesan jiyana xwe ji dest dabû û 180 kes jî birîndar bûbûn. 

 

Piştî qezayê pîlot Bahadir Altan ê li Pegasûsê dixebite, televîzyona CNN Turkê wî beşdarî bernameyê kir û derbarê qezayê de nirxandinan kir. Bi boneya Altan bêtedbîriyan rexne kir, CNN Turk weşanê qût kiribû û axaftina wî di nîvê de qût kiribû. Şîrketa Pegasûsê bi boneya Altan nirxanin kiriye dawîl i karê wî anî. Altan ê berê pîlotiya şer kiriye di hesabê xwe yê medya civakî de ragihand ku Pegasûsê dawî li karê wî aniye. 

 

Altan li ser hesabê xwe yê Twîtterê wiha got: “Pergala kamyona ku frênê wê teqiyan e, sûcdar dît! Pegasûsê peymana min a kar betal kir. Wê hêza we negihîje ku hûn heqîqetê veşêrin. Ne gefên we ne jî ji kar avêtina we wê nikaribe me bêdeng bike. Em ê vî welatî radestî we nekin ku hûn hilweşînin.”