ŞIRNEX – Li Şirnexê Hurmuz û Şimonî Dîrîl ên hevjînên ev ku winda bûne, 23 roj borîn hêj agahî ji wan nayê girtin.
Hurmuz (71) û Şimonî Dîrîl (65) ên hevjînên hevin û li gundê Mehrî ya bi ser navçeya Elkê ya Şirnexê ve dijîn, ji 11’ê çile ve agahî ji wan nayê girtin. Hevjîn Hurmuz û Şîmonî 23 rojin winda bûne û nayê zanîn li ku ne. Walîtiya Şirnexê piştî 7 rojan têkildarî agahî negirtina malbata Dîrîl daxuyanî da û ragihand ku li herêmê bi beşdariya eskeran xebatên lêgerînê didome. 23 roj borîn, lê hêj tu agahî ji Hurmuz û Şîmonî nehatiye girtin. Li gorî hin agahiyan, tê gotin ku hevjîn Dîrîl hatine revandin. Ji ber ku rêya gund bi berfê hatiye girtin, lêgerîna li herêmê heta niha bi encam nebûye. Serdozgeriya Komarê ya Elkê lêpirsîn daye destpêkirin, lê lêpirsîn bi awayekî veşartî tê kirin. Heta neha têkildarî bûyerê tenê îfadeya kurê Hurmuz û Şimonî ku Papazê Dêra Katolîk a Stenbolê ye Remzi Diril û Epro Diril, girtine. Remzî Dîril ku bawer dike dayik û bavê wî hatine revandin, diyar kir ku 23 rojin tu agahî ji wan negirtiye û tu kesî tu agahî nedaye wan. Diril, bang li her kesî kir ku hestiyar tev bigerin. Dîril, ji kesê ku dayik û bavê wî revandine jî xwest wan dîsa tîne cihê wan.