Serokdewletê Filistînê Mahmûd Abbas, aşkera kir ku plana ku Serokê Amerîkayê Donald Trûmp navê "Peymana Sed Salê" lê kiribû, red kirine. Abbas, diyar kir ku helwesta wan a li dijî plana ku rêveberiya Washingtonê navê "Peymana Sed Salê" lê kiriye neguheriye û wiha got: "Ne pêkan e ku tu misilman û xiristiyanê filistînî vê planê qebûl bike. Em hezar carî ji "Peymana Sed Salê" re dibêjin na."

 

'QUDÛS NA FIROTÎ YE'

 

Abbas, da zanîn ku ew li gorî prensîbên Filistînê û meşrûyeta navneteweyî girêdayî muzakereyan e û ev tişt anî ziman: "Em ê bi hemû hêza xwe şer bikin. Di vî şerî de çeka me ya pêşek tevgera aştiyane ye. Ez dixwazim ji Trûmp û Netanyahû re ev tişt bibêjim; Qudûs ne firotî ye. Mafên me ne firotî ne. Wê ev peymana we di dawiyê de weke komployeke neserkeftî bimîne. Wê gelê me bavêje ser sergoyê dîrokê."