Di 19'ê Tebaxa 2019'an de qeyûm tayînî Şaredariya Bajarê Mezin a Mêrdînê hatibû kirin. Piştî qeyûm di 21'ê Tebaxê de di dema çalakiyên şermezarkirinê de F.A. hatibû binçavkirin û di 6 kêl avêtibûn canê wê. Di dema binçavkirinê de bi hinceta ku "îmze daneniye bin girtekê" polîsan heqaret lê kiriye û paşê wê birine avahiya berê ya midûriyeta emniyetê û li wir bi copan ew taciz kirine û bi destavêtinê gef lê xwarine. Piştî hat berdan çû Serdozgeriya Komarê ya Mêrdînê û gilî kir. 

 

Lê belê dozgeriyê biryara "neşopandinê" da. Dozgeriyê îdia kir ku di girtekên muayenekirinê de behsa derbkirinê nehatiye kirin û ji bo 6 kêlên avêtine canê wê jî got: "...muştekî jî di nav de roja bûyerê 4 kesan berhelestî kirine û hatiye tespîtkirin ku ji bo ev berhelestîkirin bê şikandin zorî ketiye dewrê". 

 

Her wiha dozgeriyê daxwaza ji bo guhdarkirina şahidan û lêkolînkirina dîmenan jî red kiriye. 

 

Parêzerê F.A.'yê Fevzî Adsiz, diyar kir ku merheleya dozgeriyê pêk nehatiye û got: "Piştî îfadeya li emniyetê hatiye berdan. Piştî îfadeya emniyetê xwestiye biçe dozgeriyê û tiştên hatine serî bîne ziman. Roja bûyerê parêzerên Baroya Mêrdînê çûne emniyetê û F.A. tiştên hatine serê wê ji hevalên me yên parêzer re gotiye". 

 

Adsiz, destnîşan kir ku dema muwekîla wê ji bo muayeneyê birine nexweşxaneyê di rê de hatiye îşkencekirin û got: "Polîs jî pê re çûye. Bijîşk jî ji ber zextan gotiye derb tunene û rapor nedanê. Lê belê di rapora ewil de derbkirin heye". 

 

Adsiz, da zanîn ku ew ê îtiraz bikin. 

 

MA / Ahmet Kanbal