Muslimanên Antî Kapitalist, 2'yemîn Komxebata Îslam û Çep li Mala Çandê ya Înşa ya Balat ya Stenbolê li dar dixin. Li ser mijarên "Tecrubeyên dîrokî", "Tecrubeyên hendem" û "Tecrubeyên kurevî", "Muqayesekirin, Rûbirûbûn û "Îslam, Jin û Çep" niqaşkirin. Kelek akademîsyen, nivîskar, rewşenbir û nûnerên rêxistinên civakî amade bûn û niqaş kirin. Parlamentere HDP'ê yê Antalyayê Kemal Bulbul, jî li ser rastiya olê îslamê rawestiya û bal kişand ser politîkayên dewletê yên li hemberî olê îslamê. Bulbul, diyar kir ku dewletan olê îslamê ji heqîqet û rastiya wê dûr xistiye û kiriye amûra qetlîaman. Bulbul, anî ziman ku dema li ser tegeha devrî heq û heqîqetê îfade bikin wê demê dê zilm û zordariya ku dibe sedema înkar, nijadperestî, tekperestî, komkujiya xwezayê, tacîz û tecawiza jinan ji holê rabe. Bulbul, destnîşan kir ku olê îslamê ji aliyê dewletan ve hatiye bikar anîn û ji ber vê yekê pêwiste dîsa li rastiya xwe vegere û wiha got: "Dewlet feraseta xwe ya yekperestiyê li ser civakê ferz dike. Ji ber vê yekê dewlet sûc dike. Olê îslamê hurmetê nîşanî baweriyên cuda dide. Di ayetekê de dibêje 'Dixwaze bila bawer bike dixwaze bila bawer neke. Em ê her kesi wekî ên bawer dikin biquliqînin. Komara Tirkiyeyê jî dewletên Rojhilata Navîn jî ol li gorî serdestiya xwe bikar tîne. Dikin amûrê serdestî, yekperesti û nijadperestiyê. Dîn perçe kirine û hilweşandine. Ji ber vê yekê sûc kirine." 

 

Bulbul, xwest olê îslamê dîsa li rastiya dîroka xwe vegere û wiha got: "Mînak baweriya suniyan û li dijî elewiyan û navê Tirkan jî li dijî Kurdan bikar tîne û suc dike. Îro dema qala elewiyan û baweriyên din dikin zimanê nifrînê pêş dixin, Hêj malên elewiyan tên îşaretkirin. Ji ber bi Kurdî diaxivin rastî êrîşan tên. Tivê gelê Tirk û civaka sunnî bi vê rastiyê re rû rû bimîne. Divê bêje ‘Ey diyanet, ey hikûmeta AKP-MHP'ê, ey devlet tişta tu dike xizmeta civakê nake, xizmeta armancên te dike. Li gorî daxwazên we şekil bûye. Ev olê dewletê ye.' Divê bêjin 'olê min her kesî wek hev û adîl digire dest. Divê li rastiya xwe vegerin." 

 

Bulbul, bilêv kir ku dîyanet tetîkêşiyê dike û wiha bi dawî kir: "Divê ev sazî hemû baweriyan nas bike û wek hev nêzî wan bibe.  Divê tu baweriyan neke leheng û yê din biçûk neke. Divê hinek baweriyan xweşik û pîroz û yê din qirêj û biçûk neke. Min li kursiya meclîsê got 144 sal deynê me heye. Çima 144 sal? Ji ber ku 144 salin Tirkiye ji sala 1876’an heta niha li gorî destûra bingehîn butçeyê çêdike. Bi baca ji me destîne vê butçeyê çêdike. Bi van bacan mizgeftan ava dike. Kursên Kurdanê saz dikin. Lê em bi bacên xwe nikarin cemxaneyan ava bikin. Ev ne li gori aqilan e. Ji ber vê yekê divê berî her tiştî destûra bingehîn bê guhertin. Divê ewil 3 xalên wê yên ewil bên guhertin. Divê dersa mecbûrî ya olî, wezareta karê Diyanetê û der barê înkîlabê de bê guhertin. Ji ber vê yekê divê ewil destûra bingehîn bê guhertin. Divê hemû nasname, çand û ziman wek hev bên dîtin. "