MÊRSÎN - 22 girtiyên ji Sûriyeyê ku di girtîgehên cuda de girtî ne, ji ber nasnameyên malbatên wan tune nikarin bi xizm û malbatên xwe re hevdîtin bikin. Ji 22 girtiyan Dijwar Nesrî Îsmaîl 29 salin girtî ye û heta niha tenê carekê bi malbatê re hevdîtin kiriye.
Zekî Kayar ê ji sala 1993'an heta niha girtî ye û li Girtîgeha Tîpa T a Hêjmar 1 a Bandirayê girtî ye. Zeki Kayar, têkildarî zextên li ser girtiyan name ji şaxa ÎHD'ê ya Mêrsînê re şand û bal kişand ser binpêkirinên mafan. Kayar, anî ziman ku rastî cezayê giran ê girtîgehê hatiye û wiha got: "Ji sala 1993'an ve girtî me. Girtiyên ji Sûriyeyê ji ber ku nasnameyên malbatên wan tune nikarin bi xizm û malbatên xwe re hevdîtin bikin.
'22 GIRTÎ NIKARIN BI MALBATÊN XWE RE HEVDÎTIN BIKIN'
Kayar, di nameya xwe de navê girtiyên ji Sûriyeyê ku nikarin bi malbatên xwe re hevdîtin rêz kir û wiha got: "Girtiyên ji Sûriyeyê Dijwar Nesri Îsmail (Girtîgeha Tîpa T a Hêjmar 1 a Bandirma), Hasan Abdo (Li Girtîgeha Tîpa T a Hêjmar 1 Bandirmayê), Riyad Ahmed, Hasan Kasım, Ahmet Haci Hemo (Li Girtîgeha Tîpa T a Hêjmar 4 a Şakrana Îzmîrê), Fatma Sida, Lamia Aso (Girtîgeha Jinan a Girtî ya Şakranê), Hacer Halil Yusuf (Girtigeha Gezbe ya Kocaeli), Abdulhamit Ahras (Li Girtîgeha Tîpa T a Hêjmar 2 a Bandirma), Sirvan Kubadi (Girtîgeha Ewlehiya Bilind a Xarpêtê), Beşar Suleyman (Girtîgeha Bunyan a Kayserî) û Emin İbrahim, Tevfik Miha, Mecit Hemo, Enver Ehmed, Mehmet Bıra, Ahmet Huseyin, Abdulselam Şexmus, Mustafa Seydo, Şikri Evda, Mehmet Mahmo, Manaf Osman ku nayê zanîn li kijan girtîgehê ne."
'29 SAL IN GIRTÎYE TENÊ CAREKÊ HEVDÎTIN KIR'
Kayar, di nameyê de anî ziman ku Dijwar Nesri İsmaîl ê ji Navçeya Amûdê ya Qamişlo ye û di sala 1991'an de li Wanê hat binçavkirin û girtin, bavê 7 zarokan e di nava 29 salan de tenê carekê bi malbatê re hevdîtin kiriye. Kayar, da zanîn ku Îsmail di navbera salên 1991 û 2013'an de tenê carekê bi malbatê re hevdîtin kiriye û piştre qet hevdîtin nekiriye. Kayar, da zanîn ku Îsmaîl sewqî Girtîgeha Bandirma kirine û wiha got: "7 sal berê dema li Girtîgeha Sêrtê bû bi dayik û bavê xwe re hevdîtin kir. Di sala 1991'an de hat girtin û di sala 2013'an de bi dayik, bav û xwişkên xwe re hevdîtin kirin. Ji wê demê heta niha tu hevdîtin bi malbatê re nekiye. Niha 72 girtî li Girtîgeha Bandırmayê ne. li vir tu carî hevdîtin nekirin. Ez meqar dikim DMME qaşo dadgeha herî adîl a cîhanê ye. Lê ji bo vê rewşê çi dibêje. Gelo ew çawa li têgehên binpêkirina mafan û îşkenceyê dinerin û pênase dikin."