* Midûrê qeyûm polîs Ercan Ûysaler, ji ber ku li jinekê fuhûş ferz kiribû 11 sal û 3 meh ceza lê hatibû birîn, lê belê hîn jî Ûysaler nehatiye girtin.
* Li Wanê welatiyên ku ji ber buhabûna fiyetê ceryan û gaza xwezayî nikarin fatûreyên xwe bidin gotin: "Ne bac, xeracê ji me digirin".
* Beşdarê Tora Ziman û Çanda Kurdî Nivîskar Îkram Îşler, destnîşan kir ku polîtîkayên bişavtinê ketiye nav mala kurdan û got, gere kurd dest bi pêvajoyeke xwebikeyskirinê bikin.
* Li navçeya Artûklûyê li devera ku dêrên suryaniyan û gorên xirîstiyan û misilmanan hebûn, dest bi çêkirina otoparkekê hatibû kirin. Parlementerê HDP'ê yê Mêrdînê Tûma Çelîk, derbarê vê yekê de pêşniyazpirsek dabû ber Wezîrê Çand û Turîzmê. Wezaretê, pêşniyazpirsa Çelîk bersivand û di bersiva xwe de got, ji ber ku herêma navbirî qada sîtê ye rapora pêzaniyê nehatiye xwestin û derbarê herêmê de tu raporên pêzaniyê jî tunene.
* Nûriye Gulmen ku ji ber bi KHK'ê ji kar hatibû derxistin ji bo vegere ser karê xwe 324 rojan di greva birçîbûnê de mabû, ji bo endamên Koma Yorûmê ku çalakiya xwe ya greva birçîbûnê veguherandin rojiya mirin gazî kir û got, berî bi derengî bikeve tev bigerin.
* Danişîna doza Hevşaredarên Cizîrê Mehmet Zirig û Berivan Kutlu ji di navde kesên doz li wan hatiye vekirin dê li 1'emîn Dadgeha Cezayên Giran a Cizîrê bê dîtin. (10.00)
* Danişîna doza Mamosteyê Komeleya Lêkonînên Kurdî Aytekin Akdemîr ê der barê wî de doz hat vekirin, dê li 26’emîn Dadgeha Cezayên Giran a Çaglayana Stenbolê bê dîtin. (11.00)
* Metal Îş a Yekbûyî ya girêdayî DÎSK'ê dê têkildarî Peymana Tomarî rapora ku amade kirine ya "Rastiyê Karkerên Metalê" li Navenda Çanda Nazim Hikmet a Şîşliyê bi raya giştî re parve bikin. (12.00)
*Şaxa SES'ê ya Şîşliyê dê têkildarî çalakiya Koma Yorum li avahiya xwe ya Beyoglu daxuyaniyê bidin çapemeniyê. (13.00)
* Danişîna doza 8 kesên bi îdîaya tev li çalakiya li dijî Qeyûmê Dêrikê Muhammet Safitark bûne û doz li wan hatibû vekirin, dê li 3'emîn Daîreya Ceza ya Edliyeya Herêma Dîlokê bê dîtin. (14.00)