AMED – Navê 3 keyayên gundan ên di oprasyona tiryakê ya li Licê de derbas dibû qeyûm tayînî şûna wan hatin kirin.
Li navçeya Licê ya Amedê yek jê Fermandarê Qereqola Cendirmeyan 3 jê çawişên pispor û F.O., K.T., O.T. û H.K. di 2’yê kanûnê de li Qereqola Cendirmeyan a Mermerê ya girêdayî navçeya Sûrê bi 8 kîlo madeya hişbirê hatin girtin. Piştî îfade dan li Licê derbarê 30 kesî de biryara binçavkirinê hat derxistin.
Di 3’yê kanûnê de li dijî mal û kargehan operasyon hat destpêkirin. Di operasyonê de keyayê gundê Tilê Nazmî Kartop û keyayê gundê Sîsê Fatîh Îzgî jî di nav de 24 kes hatin binçavkirin. Derbarê keyayê berê yê gundê Sîsê Necat Îzgî û keyayê gundê Gir Adnan Yiltaş lêgerîn didome.
Keyayê gundê Sîsê Fatîh Îzgî û keyayê gundê Tilê Nazmî Kartop piştî îfadeyên wan hatin stendin hatin berdan.
Bi biryara Wezareta Karê Navxweyî qeyûm tayînî şûna van keyayên navê di operasyonê de derbas dibe hatin kirin.
QEYÛM TAYÎN KIRIN
Midurê Tapû yê Licê Cebraîl Kiliç tayînî şûna keyayê gundê Gir Adnan Yiltaş, Midurê Weqfa Piştevaniya Civakî ya Licê Huseyîn Bîlal tayînî şûna keyayê gundê Sîsê Fatîh Îzgî û Midurê Çandiniyê yê Licê Nevzat Yildiz jî tayînî şûna keyayê gundê Tilê Nazmî Kartop hatin kirin.