MÊRDÎN - Danişîna doza JÎTEM'ê ya Kerboranê ku di 29'ê Cotmeha 1995'an de 8 kes binçavkirin û windakirin, dê sibê li Dadgehea Semsûrê bê dîtin. 3 danişîn e dozgerê berê li holê tune ye.
Li navçeya Kerboranê ya Mêrdînê di 29'ê Cotmeha 1995'an û 8'ê Adara 1996'an de 3 jê zarok 8 kes hatibûn binçavkirin û hatibûn windakirin. Piştî bûyerê der barê çawîşê pispor Bilal Batir û fermandarê qereqolê jî di navde der barê 18 kesan ku bi îdiaya "kuştina taammud" de doz hatibû vekirin dê sibê bê dîtin. Doza di cemaweriyê de wekî "JÎTEM'a Kerboranê" tê zanîn, di 30'ê Cotmeha 2014'an de dest pê kiribû. Danişin dê sibê li 1'emîn Dadgeha Cezayên Giran a Semsûrê bê dîtin. Doza ewil sewqî 5’emîn Dadgeha Cezayên Giran a Enqereyê kir û dîsa sewqî Dadgeha Cezayên Giran a Semsûrê kirin. Danişina dozê dê sibê bê dîtin. Di dosyayê de girteka ku di 2'ê Mijdara 1995'an de çawîşên pispor ên astsubay Mahmut Yılmaz, Haydar Topçam û Ahmet Çiçek girtibûn zêde kiribûn. Di girtekê de wiha hatiye gotin: “Maşîneya zirxî ya ji bo biçe şikefata tê gotin depoya çekan a li Rojhilata Gundê Dîlanê ya li ser koordînata (50-51)'an cih digire, saet di 15.30’an de ket rê. Maşina zirxî ku personel suyarkiribûn, karwana di fermana Fermandarê Cendirmeyan ê Kerboranê Mehmet Tire li gundê Kılavuzê derketibû. Di metreya 250'emîn de maşîneya zirxî ya tugayê ku çeka otomotîk a Bixî li ser bû, bi xwe gule berdaye. Di bûyerê de Fermandarê cendirmeyan Mehmet Tire, ji binê çavê xwe yê çepê, Serçawîş Suyabeyê Cendirmeyan Ahmet Çiçek ji piyê xwe, Fermandarê Cendirmeyan ê Midyatê Huseyin Altunışik ji eniya xwe birîndar bûbûn..."
Di danişina beriya niha de Heyeta 1’emîn Dadgeha Cezayên Giran a Semsûrê daxwaza girtina bersûcan red kiribû. Heyetê biryar dabû ku eskerê wê demê Ahmet Çiçek bînin dadgehê û Dozgerê Komarê yê Kerboranê yê wê demê Ahmet Kul jî wekî "Şahid" bê guhdarkirin. Dibê dê 17’emîn danişîna dozê bê dîtin. Tê payin ku dozger Ahmet Kul bê guhdarkirin.
‘3 RÛNIŞTIN E DOZGER NE XUYA YE'
Parêzerê dozê Erdal Kuzu, anî ziman ku 3 roniştin e heyeta dadgehê dixwaze Dozgerê Komarê yê Kerboranê wekî şahid bê guhdarkirin, lê 3 rûniştin e xwe nagînin dozger Ahmet Kul. Kuzu, destnîşan kir ku eger li Kul guhdar bikin û Kul agahî bide dê gelek agahî ronî bibin û wiha got: "Li gel navnîşana Dozger Kul diyar e jî 3 rûniştin e xwe nagînin wî. Em bawer dikin ku dewlet an jî destekî din mudaxaleyî dozê dikin û naxwazin doz bi encam bibe û naxwazin rastî ronî bibe. Koordînata Şikeftên Pekurt ê 2 cenaze lê hatin dîtin û girtekên koordinatên ku wê demê hatibûn girtin heman nokteyê nîşan dide. Ev bêtir delîlan ronî dike. Dîsa me li Gundê Til Zerîn cenaze dîtin. Me cenazeyê Abdurrahman Olcay dît. Lê ji ber qeyda mirina wî nedane nefûsê dadgeh hêj niqaşa Olcay miriye ya na dike. Di testên DNA yên fermî de rastiyê nîşan dide. Lê li gel vê rastiyê heyeta dadgehê helwesta xwe dubare dike."
Kuzu, destnîşan kir ku dadgeh ji bo rastiyan ronî bike newêre gavan bavêje û xwest bêtir wêrekî tev bigere. Newêrek nêzik dibe. Divê heyeta dadgehê gavên wêrek bavêje."
MA / Ahmet Kanbal