Hin kesên ji Afganistan, Pakistan û Îranê bi rêyên qaçax mirovan tînin Tirkiyeyê, bi hesabên ku li ser medya civakî ava kirine, penaberan kom dikin. Li ser gelek hesaban, rêyên ku penaber tê re derbas dibin û dikevin welatan û 'xizmetên' ku tên dayîn, yek bi yek tên vegotin. Ji van hesaban van ev her du hesabên @makuamir û @amirmaku4460 Înstagramê, demeke dirêj e, rêyên ku  bi awayekî qaçax mirovan ji Afganistan, Pakistan û Îranê tînin Tirkiyeyê, bi dîmenan parve dikin.

 

BI MEŞÊ DERBAS DIBIN

 

Di dîmenên ku hatine parvekirin de gelek penaber ji Pakistanê bi meşê derbasî Afganistanê dibin. Li vir bi komeke penaberên din re tên gel hev û derbasî Îranê dibin. Li Îranê jî bi komeke penaberên din re tên gel û ji aliyê qaçaxçiyên mirovan derbasî sînorê Îran û Elbakê tên kirin. Van qaçaxçiyan 'xizmetên' ku di rê de didin penaberan jî li ser hesabên xwe dinivisînin û xwarinê ku didin wan jî parve dikin. Her wiha aktîvîteyên ku dema bêhnvedanê dikin jî li ser hesabên xwe parve dikin. 

 

MEŞA BI ZOR A DI NAV BERFÊ DE

 

Di dîmenekî ku li ser van hesaban hatiye parvekirin de tê dîtin ku li hin cihan bilindahiya berfê ji metreyek zêdetir e û penaber bi zorê dimeşin. Tê payîn ku ev herêm xeta sînorê Wanê û Îranê ye. Di parvekirinan de qala pêvajoya piştî derbasbûna Tirkiyeyê jî tê kirin. 

 

BI DEHAN PENABER JIYANA XWE JI DEST DIDIN

 

Yek ji bajarê ku herî zêde penaber xwe li digirin Wan e. Her sal bi hezaran penabera xwe li Wanê digirin. Wan di heman demê de ketiye rewşeke wisa ku bûye goristana penaberan. Di 8 mehên destpêkê yên sala 2019'an de mirina 100 penaber derbasî qeydan bûye. Di mehên biharê de cenazeyê 50 penaberan li navçeyên Qelqelî, Serav û Ebaxê hatibûn dîtin. 

 

MA / Adnan Bilen