RIHA - Dozgerê Komarê yê Rihayê piştî 18 meh şûnde îdîanameya der barê kuştina Esvet, Celal û Adil Şenyaşar û Mehmet Şah Yildiz ên beriya hilbijartina 24'ê Hezîrana 2018'an hatin kuştin amade kir. Dozger cih neda kuştina bav Esvet Şenyaşar. Dozger di îdîanameyê de bêtir cih da darizandina endamên malbata Şenyaşar.
Di 14'ê Hezîrana 2018'an de li Pirsûs a Rihayê xizm û parêzvarên Parlementerê AKP'ê yê Rihayê Îbrahîm Halîl Yildiz, Hecî Esvet Şenyaşar û kurê wî Adil û Celal Şenyaşar kuştibûn. Di bûyerê de birayê Yildiz Mehmet Alî Yildiz jî miribû û ji malbata Şenyaşar Mehmet û Ferît Şenyaşar jî di nav de 8 kes birîndar bibûn. Di ser bûyerê re 18 meh derbas bûn. Piştî 18 meh borîn hêj nû Serdozgerê Komarê yê Rihayê têkildarî bûyerê doz vekir. Dozger di îdîanameyê de cih neda kuştina bav Esvet Şenyaşar ê li nexweşxaneya dewletê ji aliyê xizmên parlamenter Halîl Îbrahîm Yildiz ve hat kuştin. Dozger tenê lêpirsîn bi kuştina Adil, Celal Şenyaşar û birayê wekîl Yıldız Mehmet Şah Yıldız bi sînordar kir.
Dozger di îdîanameyê de Fadıl Şenyaşar û Ferit Şenyaşar, Kenan, Abdurrahman, Mustafa, Nihat û Suleyman Yildiz wekî maştekişên şikdar nîşan da. Enver, Ali, Mehmet û Îbrahim Yıldız, Îbrahim Halilû Mehmet Şimşek jî wekî kesên şikdar nîşan dan.
XWEST 13 KES BÊN CEZAKIRIN
Serdozgeriyê bi îdîaya Şikdar Fadil Şenyaşar xwestiye Abdurrahman, Mustafa, Süleyman, Kenan ve Nihat Yıldız bikuje, bi zanebûn Mehmet Şah Yildiz kuştiye, Ahmet Çetin û Engin Şimşek bi zanebûn birîndar kiriye sûc kiriye.
Bi îdîaya şikdar Enver Yıldız, Adil Şenyaşar kuştiye, şikdar İbrahim Yildiz Celal Şenyaşar bi zanebûn kuştiye, şikdar Ali Yıldız bi zanebûn Fadsl Şenyaşar birîndar kiriye, Şikdar Abdurrahman Yıldız bi zanebûn Celal Şenyaşar birîndar kiriye, Adil Şenyaşar bi cop birîndar kiriye, Şikdar Mustafa Yıldız, bi sucdariya Celal Şenyaşar û Adil Şenyaşar birîndar kirine, muştekî Suleyman Yıldız, Celal Şenyaşar birîndar kiriye, Ferit Şenyaşar birîndar kiriye, Şikdar Kenan Yıldız, Ferit Şenyaşar bi zanebûn birîndar kiriye, Fadıl Şenyaşar birîndar kiriye. Şikdar û muştekî Nihat Yıldız, Fadıl Şenyaşar birîndar kiriye, Şikdar Îbrahim Halil Şimşek bi zanebûn Ferit Şenyaşar birîndar kiriye. Şikdar Mehmet Yıldız Celal Şenyaşar û Fadıl Şenyaşar birîndar kiriye, Şikdar Mehmet Şimşek, Celal Şenyaşar birîndar kiriye, Şikdar Ferit Şenyaşar, Suleyman Yıldız â Kenan Yıldız birîndar kiriye doz vekir.
Dozger îdîaname pêşkêşî 7’emîn Dadgeha Cezayên Giran a Rihayê kir.
MA / Muhammed Abdulkadir Esen