WAN - Welatiyên astengdar ên wanî ku weke her sal 3'ê Kanûnê Roja Astengdaran a Cîhanê pêşwazî dikin, ji kêmbûna qadên jiyanê, sersarî, pirsgirêka ragihandin û bêkariyê bi gazinc in.
Li Tirkiyeyê piraniya astengdaran, ji ber hesta parastinê ya malbatên xwe û zehmetiyên ku bi wan re rû bi rû dimînin, ji jiyana rojane dûr û li malên xwe dijîn. Welatiyên astengdar ên wanî ku weke her sal 3'ê Kanûnê Roja Astengdaran a Cîhanê pêşwazî dikin, ji ber ku feraseta cihêkariya pozîtîf kêm e, di serî de rê dema ku derence, cih û ragihandinê bi kar tînin bi hezar zehmetiyan re rû bi rû dimînin. Li bajarê Wanê ku hema bibêje qadên jiyanê yên ji bo astengdaran tunene, endamên Şaxa Komeleya Koran a Alti Noktayê diyar kirin ku pirsgirêkên wan herî mezin sersarî, ragihandin û bêkarî ye.
DAXWAZIN ASTENGDARAN
Yek ji van kesan Aslan Dînç ku ji sedî 60 çavên wî nabinînin û bavê 3 zarokan e, diyar kir ku ajokarê otobusan wan nagirin û wiha got: "Me paşguh dikin. Li gel ku zanin em astengdar in jî li rawestgeha qet li benda me nasekinin. Têkildarî vê rewşê me serî li gelek cihan da lê li me baneketin. Li rawestgehan cihên ku em rûnin jî tunene. Pergala deng jî tuneye. Heke ev pergal hebe dê ji bo me hêsantir be. Divê ku pergala deng li otobusa, bangqeyan, nexweşxaneyan û li rawestgehan hebe. Dîsa rawestgeh tên dagirkirin, li ser rêyên me rawestgehên otobusan tên çêkirin û otobus lê tên parqkirin. Ji ber van sedeman gelek hevalên me ji malê jî dernayin. Heke rewş ev be em ê çawa dengê xwe bidin bihîstin?" Ji bo em bi hêsanî biçin parqan divê gopalên bi deng hebin. Divê dibistanên astengdaran bên zêdekirin û nexweşxaneyek ji bo me vebe."
‘JI ME RE DIBÊJIN MIXTEFÛR'
Nîhat Tam ku ji çavên xwe astengdar e jî diyar kir ku qertên beriya tayînkririna qeyûm Şaredariya Bajarê Mezin a Wanê daye wan dê sala nû de ji bo otobusên taybet bê betalkirin û ev tişt got: "Ajokarên van otobusan henekên xwe bi me dikin û ji me re dibêjin, 'hûn mixtexur in'. Ji ber ku razandina qertên me nayê kirin ji me re wiha dibêjin. Em êdî şerm dikin. Ji ber ku em li vir nûnertiya astengdaran tev dikin ji neçarî digerin. Li gel ku têkildarî mijarê me çend caran daxwazname daye walîtiyê jî tenê dibêjin, 'temam' û tiştekî nakin."
'ASTENGIYÊN HERÎ MEZIN MIROV IN'
Astengdarê çav Îbrahîm Uste jî da zanîn ku mirov karê wan asteng dikin û wiha got: "Qanûn li alî me ne, di vê mijarê de gav hatine avêtin. Dema ku otobus di destê me de gopal dibînin, me nagirin. Em jî plaqê nagirin û şîkayet nakin. Ji bo vê yekê di destê me de qamera hebe. Me biçûk dixînin. Wesayîtan li pêşiya amûrên astengdaran parq dikin. Me gelek caran hişyar kir jî tiştek neguherî."