* Di doza Nisîbênê ku 17 jê zarok 70 kes girtî tên darizandin de heta niha 22 girtî rastî cezayên giran ên girtîgehê hatin. Danişîna wan ji hev hat qutkirin û niha yek bi yek li salonê tên darizandin. Têkildari danişîna dozê Parêzera girtiyan Rengîn Ergul, diyar kir ku helwest û parastina girtiyan dê di rûpelên dîrokê de cihê xwe bigirin û wiha got: "Ji jiyana xwe ya di metrekareyan de hatiye bi sinorkirin peyamen pir girîng didin me. 

 

* Li gorî jinên xwendekarên zanîngehê sedema zêdebûna şideta li ser jinê, polîtîkaya "bêcezatiyê ye" û xwestin dawî li vê polîtîkayê bê. 

 

* Amediyan bangawaziya HDP'ê ya ji bo hilbijartina pêşwext nirxand û gotin, krîza aborî heye, hilbijartina pêşwext şert e. 

 

* Li Tirkiyeyê 3 milyon û 614 hezar sûriyeyî dimînin. Ji vana tenê destûra 31 hezar û 185 kesî heye ku bixebitin. Nivîskarê Rojnameya Evrenselê Ercument Akdenîz, anî ziman ku ji bo karkerên penaber karibin destûra xebatê bigirin, divê 8 salan wekî "koleyên modêrn" bixebitin û serê xwe li ber patrona bitewînin û aktivîsta mafên penaberan Nûrgul Elçîk jî, diyar kir ku nexasim jî penaberên jin wekî "kirdeyeke pasîf" tên dîtin. 

 

* DMME'yê ji bo dosyeya "Doza Çapemeniyê ya KCK"ê got, "rêya serlêdanê ya ji bo AYM'ê nexitimiye" û serlêdan red kir. Parêzerê dosyeyê Ozcan Kiliç, got: "Li pişt vê biryarê sedemeke siyasî heye." 

 

* Cîgirê Hevserokê Giştî yê HDP'ê û Berpirsiyarê Karên Derve Hişyar Ozsoy, dê li avahiya HDP'ê ya Peyasê têkildarî polîtikayên derve daxuyaniyê bide çapemeniyê. (10.00)  

 

* Komeleya Xebatkarên Hiqûq û Medya (MLSA), dê bi piştgiriya Vakfa Friedrich Naumann û Azadî, di malovaniya Akademîya TGS'ê de bi ser navê “Di demên zor de nûçegîhaniya aboriyê" li akademiya TGS'ê semînerê pêk bînin. (10.30)

 

* Şaxa Komeleya Mafên Mirovan (ÎHD) ya Amedê, dê rapora salekê ya tundiya li dijî jinê ya Herêmê li avahiya komeleyê bi civîna çapemeniyê aşkere bike. (10.30)

 

* Navenda Şêwirmendî û Mafê Jinan a Baroya Amedê, di çarçoveya 25'ê Mijdarê de li Salona Konferansê ya Tahir Elçî civîna çapemeniyê li dar bixin. (11.00) 

 

* Navenda Mafên Jinan a Baroya Stenbolê û Konseya Bajar a Şîşliyê dê li Navenda Çanda Bajar a Cemil Candaş  têkildarî 25'ê mijdarê bernameyekê pêk bînin. (10.30-17.00)

 

* Li Navçeya Cizîr, Qoserê, Edene, Mêrsîn, Hatay, Wan û gelek navendên din jin dê di çarçoveya 25'ê mijdarê de dê meş bên li dar xistin. (13.00)

 

* Komeleya Jinan a Roza, dê di çarçoveya 25'ê mijdarê de li Ofisê kom bibin û heta Qada Îstasyonê bimeşin. (16.00) 

 

* Platforma Jinan a Dersimê di çarçoveya 25'ê Mijdarê de dê li Qada Seyit Rıza civîna çapemeniyê li dar bixin. (17.00)

 

* Platforma Jinan a Enqereyê dê di çarçoveya 25'ê mijdarê de li Kolana Sakarya daxuyaniyê bidin çapemeniyê. (18.00)

 

* Jin dê bi minasebeta 25'ê mijdarê li Qada Tunela Beyoglu ya Stenbolê kom bibin û meşek girseyî pêk bînin. (19.00)