Malbata Xelîl ku ji ber êrîşên DAIŞ'ê ji bajarê Helebê yê Sûriyeyê hat Wanê, di vê sar û seqemê de di konteynerekê de dimîne. Malbata ji 11 ferdan pêk tê, 4 sal berê li Taxa Seyît Fehîm Arvasî ya navçeya Rêya Armûşê bi cih bû. Malbat ewilî demeke dirêj di jêrzemîna avahiyekê de ma û paşê çû ket konteynereke du odeyî ku şaredariyê dayê. Şevax Xêro Xelîl ku ji bo debara zarokên xwe bike xurdevaniyê dike, anî ziman ku tenê daxwazek wan heye; vegerin warê xwe. 

 

Şevax Xêro Xelîl, konteynera deriyê wê şikandî nîşan da û got: "Rojê hema bêje 10 lîre bi dest min dikeve. Bi vî pereyî hewl didim debara malbata xwe bikim. Bi saya alîkariya der û cînaran em li se rpiya ne. Ez û du zarokên xwe jî xurdevaniyê dikin." 

 

Xelîl, destnîşan kir ku ji ber êrîşên DAIŞ'ê mecbûr mane terka warê xwe bikin û got: "Me nedixwest em teraka warê xwe bikin. Li wir jiyanek me hebû. DAIŞ'ê êrîş kir. Kî ket ber çi jin, çi zarok, çi extiyar hemû dikuştin. Gava her kesî koç kir, em jî mecbûr man terka warê xwe bikin." Her wiha Xelîl diyar kir ku hikûmet ji bo penaberan fonê ji Yekîtiya Ewropayê digire û got: "Komirê jî nadin. Zarokên min diqefilin. Çawa şe rbiqede em ê herin warê xwe."