EDENE - Serokê Şaxa ÎHD'ê ya Edeneyê Prz. Îlhan Ongor, têkildarî binpêkirina mafan û azadiya ramanê rapora 10 mehan aşkere kir û diyar kir ku di 10 mehan de Hezar û 12 lêpirsin hatine vekirin. Ongor, destnîşan kir ku OHAL êdî mayinde bûye.
Komîsyona Hiqûqê ya Şaxa Komeleya Mafên Mirovan (ÎHD) ya Edeneyê têkildarî binpêkirina mafên mirovan û azadiya ramanê rapora di navbera 1'ê Çile û 1'ê Mijdarê de aşkere kir. Komîsyonê rapor li avahiya komeleyê aşkere kir. Serokê Şaxa ÎHD'ê ya Edeneyê Prz. Îlhan Ongor, diyar kir ku azadî û mafên bingehîn ên mirovan nebe nabe.
JI 777 ÎHLALAN 321 JI WAN LI TIRKIYEYÊ YE
Prz. Ongor, da zanin ku di 96 salên Komara Tirkiyeyê de hewldana avakirina mirovên yek tîp berdewam dike û wiha got: "Di zimanê siyasetê de li dijî ziman, bawerî û regnên cuda bê tehamulî heye. Nifrîn heye. Îro krîza herî muhîm krîza civakî û siyasî ye. 47 dewletên ku Peymana Mafên Mirovan a Ewropayê (PMME) îmze kirine, di navbera salên 1959 û 2018'an de 777 maf îhla kirine. Ji van 777 mafan 321 mafên mirovan li Tirkiyeyê hatine îhlalkirin. Piştî di 20'ê Tîrmeha 2016'an de OHAL hat ilankirin, mafên mirovan ên tekakesî û kolektif ku ji aliyê Makeqanûnê ve hatine parastin yek bi yek hatin binpêkirin.
OHAL MAYINDE KIRIN
Prz. Ongor, da zanîn ku bi zagona hêjmar 7145'an rejîma OHAL'ê mayinde kirin û bi vê zagonê erk û rayeya Waliyê bajaran zêde kirine û wiha bi dawî kir: "Dîsa bi vê zagonê mafê kes û civakê yê azadiyê bi awayekî keyfî hatiye asteng kirin. Li gorî daneyên Cemîyeta Rojnamegerên Tirkiyeyê yê 7'ê mijdara 2019'an, li Tirkiyeyê 115 rojnameger niha girtî ne. Tirkiye di nava 199 welatan de di rêza 163'an de ye. Di serdema OHAL'ê de bi sedan sazî, komele û rêxistinên civakî û sivîl hatin girtin. Saziyên weşanê hatin girtin. Raporên heyî nîşan didin ku li Tirkiye mafê azadî û ramanê hatiye binpêkirin. Di awayekî bê sînor di bin gefê de ye.
Bi hinceta neheqî li serokomar kiriye ji xala TCK-301'an 208 lêpirsîn hatin vekirin.
* Bi hinceta heqaret li Serokomar kirine ji xala TCK 299'an 484 lêpirsînk hatin vekirin.
* Bi hinceta gel teşwîkî nifrînê kiriye tahrîk kirine ji xala TCK a 216'an 193 lêpirsîn hatin vekirin.
* Bi hinceta ji xala 7'an propaganda kiriye 98 lêpirsîn hatin vekirin.
* Konser, şano û şahiyên hunerî bi giştî 4 heb hatin qedexekirin.
* Bi hinceta tev li daxuyaniya çapemeniyê bû 25 kesan cezayê pereyan hat birîn.
Bi şitî di nava 10 mehan de (300 roj) Hezar û 12 lêpirsîn hatin vekirin.