AMED – Di danişîna rojnameger Ferhat Parlak de şahid hatin guhdarkirin û beyanên şahidên nepen ku li ser Parlak axivîbûn derewandin. 

 

Danişîna duyem a doza rojnameger Ferhat Parlak ku bi îdiaya “Endamê rêxistinê ye” li 11’emîn Dadgeha Cezayê Giran a Amedê hat dîtin. Parlak di danişîna ewil de ji hefsê hatibû berdan. 

 

 Parlak û parêzerê xwe Mêhdî Ozdemîr di danişînê de amade bûn. Beyanên şahidên nepen di danişînê de amade nekirin û şahidên nepen jî neanîn danişînê.  

 

‘EMNIYETÊ NÎŞE XISTIYE BERÎKA MIN’ 

 

Şahid Turgut Çelîk di danişînê de îfade da. Çelîk da zanîn ku ew rojnameger Ferhat Parlak nas nake û got: “Çalakiyên behsa wan tê kirin jê ne haydar im. Dema ez hatim binçavkirin îşkence li min kirin. Ez difikirim ku nîşeya “Ferhat Parlak basinci’ li emniyetê xistibin berîka min. Haya min ji vê nîşeyê nîne.” 

 

ŞAHIDÊ NEPEN DEREWAND 

 

Abdulkadîr Hillez ê wek şahid hat guhdarkirin jî got ew Parlak wek rojnameger û esnafek li Farqînê nas dike û wek din tu çalakiyên wî din nizane. Hillez şahidiya kesê bi navê “Akin” ê şahidê nepen ku li ser Parlak îfade dabû derewand. 

 

‘WÎ WEK ROJNAMEGER NAS DIKIM’ 

 

Şahidê bi navê Selman Yilmaz jî da zanîn ku îdiaya B.C. ku gotiye Parlak wêneyê Yilmaz kişandiye û wî tev li rêxistinê kiriye ne rast e û ew Parlak wek rojnameger nas dike û îdiayên şahid B.C. derewand. 

 

XWEST KONTROLA EDLÎ BÊ RAKIRIN 

 

Parêzer Mehdî Ozdemîr da zanîn ku beyanên B.C. razber in û şahidan jî wî derewand û xwest kontrola edlî ya li miwekîlê wî bê rakirin. 

 

DANIŞÎN TALOQ BÛ 

 

Dadgehê got ji ber ku beyanên şahidan temam nebûye biryara dewama kontrola edlî da û danişînê taloq3i 17’ê sibata 2020’an. 

 

ÎDIANAME

 

Di îdianameya ji bo Parlak hatibû amadekirin, Şahid nav eşkere B.C. û şahidên nepen ên bi navê “Takvim”, “Akin”, “Çaylak”, “Akya” û “Veda” îfade dane û îdianameyê spartine wan. Parlak 15 meh girtî mabû. Di danişîna ewil de hatibû berdan. Heta 15 salan cezayê hefsê ji Parlak re tê xwestin.