Îro yekemîn dewriyeya hevbeş a di navbera leşkerên Rûsya û Tirkiyeyê ya li ser sînorê kantona Kobanê li gorî peymana Soçî ya 22’yê Cotmehê de, hat lidarxistin. Welatiyên gundên Qeremoz û Merc Îsmaîl ên ser sînorê rojhilatê bajarê Kobanê yê Bakur û Rojhilatê Sûriyeyê dijîn, di dema derbasbûna dewriyeya hevbeş a polîs û leşkerên Rûsya û Tirkiyeyê, bi zebzeyên xirabbûyî, hêk, pêlav û keviran şermezar kirin û bertekên xwe nîşan dan. Dewriyê îro saet 11:00’ê nîvro dest pê kir û li ser gundên sînor ên rojhilatê Kobanê geriya.

 

Şêniyên gundan kevir, pêlav, hêk, zebzeyên xirabbûyî û zibil avêtin wan wesayîtên zirxî yên dewriyê. Hinek welatiyan jî bi keviran li dewriyê girtin û destûr nedan ku derbas bibin. Welatiyên ku dewriye şermezar kirin, li ser kevirekê mezin bi gotina "Erdogan Sûcdar e" bertekên xwe nîşan dan.