NAVEDA NÛÇEYAN - Midurê Polîsan ê Çîna 3'emîn Zafer Ç. yê ku li Manîsayê 2 kilo hişbir di manîneya wî de hat girtin, di danişîna yekemîn a 12'ê Cotmehê de hat berdan.
Rojnameger û gunçiknivîsê Cumhuriyetê Bariş Terkoglu, îro di quncikê xwe de bal kişand ser polisê ku 2 kîlo hişbir li ser hat girtin û piştre serbest hat berdan nivîsî. Terkoglu, di nivîsa xwe de diyar kir ku polîsê ku 2 kîlo hişbir li ser hat girtin, sebest hat berdan. Terkoglu, da zanîn ku Midurê Polîsan ê Çîna 3'emîn Zafer Çe. di 9'ê Hezîrana 2019'an de li navçeya Akhisar a Manisayê bi 2 kilo hişberê ji aliyê polîsan ve hat zeftkirin û piştî doz der barê wî de hat vekirin, xwe ji dosya ‘Borsaya FETO" xelas kiriye. Teroglu, bal kişand ser rastiya berdana Midûrê Polîsan Zafer Ç.a pişt perdê û wiha cih da nivîsa xwe: "...Ez agahiya nûçeyê Ajansa Anadolu ya 12'ê cotmehê bi were parve dikim: 'Midûrê Polîsan Zafer Çe. yê li Manisayê di maşîna wî de 2 kilo hişbira ku bi receteya skunk tê firotin li ser wî hat girtin û xwediyê şîrketa krêkirina maşîneyan Necip Bogaçhan T., bi sucdariya ‘firotina tiryakê" hat darizandin û beraet kir.' Got ez karker im û beraet kir. Di demên dawî de hişbira Skunk, weakî tiryaka “hibrit esrar” tê zanîn û li cihanê belav dibe. Pir talûke ye. Rê li pêş gelek nexweşiyan vedike."
Teroglu, anî ziman ku kesê tiryak di maşina wî de hat girtin Midûrê polîsan Zafer Ç. bû û berê bi sucdariya “bazirganiya tiryakê hatibû girtin. Bersûcan di danişîna ewil de parastin kirin ku wan tiryak nefirotine û her du jî karker in. Li ser vê parastinê heyeta dadgehê ew beraet kirin. Necip Boğaçhan T., di parastinê de diyar kir ku ji zarokantiya xwe de tiryakê dikişîne. Midûrê polîsan Zafer Ç. jî parast ku ev ji bo wî şerma herî mezin e û tu armanca wî yafirotinê tune bû. Her çend di nava xwîna wan de şopê tiryakê hat dîtin jî ji ber bersûcan gotin 'em karker in' heyeta dadgehê der barê wan de biryara beraetê da. "
Teroglu, da zanîn ku di danişîna dozên FETO de gelek bersûc bi beramberî neviyê malên xwe serbest dihatin berdan û wiha got: "Min berê jî nivîsî bû ku gelek polîs, dozger û dadger jî tevli vi karê qirêj ê komê mafya bûne. Der barê wan de dozên "Barsaya FETO" hatin vekirin. Yek ji bajarê herî zêde ev rezalet pêş dikeve bajarê Îzmirê ku Zengînên FETO lê dijî ye. Serokê AKP'ê yê berê yê Îzmirê Ahmet Kurtuluş, ji doza Borsaya FETO wekî bersûc hat darizandin. Dema dê rastî bigota ji bo destûr nedin biaxive li pêş zarokê xwe yê biçûk li malê hat kuştin. Salek berê di 30'ê Cotmeha 2018’an de ji pêş Edliyeya Îzmirê agahiyek hat. Li gorî nûçeyê Midûrê Polîsan ê ku tev li Borsaya FETO bûye û der barê wî de doz hatiye vekirin, li dozgeriyê îfade daye. Piştî OdaTV bûyer anî rojevê, Serdozgeriya Komarê ya Îzmirê daxuyanî da û diyar kir ku polîs bi telefonê dawet kiriye û piştî îfadeya wî girtine serbest berdane. Ev polîsê ku ji ber tev li Borsaya FETO bû dozger bang li wî kir û îfadeya wî girt, derket holê ku Zafer Ç yê 2 meh şûnde tiryak li ser wî hatiye girtin e."