ENQERE - Vakfa Piştevaniya Jinan, piştî xebata 2 mehan encama rapora "Lêkolîna Nafaqa ya Xizaniyê" bi raya giştî re parve kir. Di raporê de anî ziman ku nafaqaya ku hikûm dikir ji sedî 66,4'ê wê di navbera 0-500 TL de bû û nêviyê wê 262 TL ye.
Vakfa Piştevaniya Jinan, di çarçoveya projeya “Agahdariya Der barê xizmeta piştgiriyê ya di qada tundî û cudakariya li dijî jinê û bi hêzkirina mafê bi destxistina xizmetan a Jinan" de, encama rapora "Lêkolîna Nafaqa ya Xizaniyê" bi raya giştî re parve kir. Di raporê de anî ziman ku nafaqaya ku hikûm dikir ji sedî 66,4'ê wê di navbera 0-500 TL de bû û nêviyê wê 262 TL ye. Vakfê rapor li Otela Limakê bi raya giştî re parve kirin. Di civînê de rayedarên Wezareta Dadê, Wezareta Karên Hundir, nûnerên HDP, MHP û CHP'ê jî amade bûn. Dîsa parêzerên baroya Enqereyê jî beşdar bûn. Endama Vakfa Piştevaniya Jinan Ceren Akçabay, encama raporê parve kir.
Akçabay, anî ziman ku Vakif di sala 1993'an de bi armanca tekoşîna li dijî tundiya jinan hatiye avakirin û wiha got: “Akçabay, anî ziman ku gelek sazî tev li niqaşên nafakayê bûne û wiha got: "Bi lêkolînê ji bo nafakaya xizaniyê pêwistî bi guhertinekê heye. Ji bo xebat bê meşandin di nava parêzerên dildar ên vakfê de komek hatiye avakirin. 140 dosyayên bi daxwaza berdan û daxwaza nafakayê de hatine lêkolînkirin. Di nava 140 dosyayên dozê de jê 14 doz ên nafakayê ne. 126 dosya jî dozê berdanê ne."