AMED - Nûnerên Saziyên Civaka Sivîl, 1’ê Mijdarê Roja Kobanê ya Cîhanê pîroz kirin û diyar kirin ku Kurdan bi yekîtiya xwe li Kobanê DAIŞ têk bir û xwestin ku hemû netewe li dijî terora DAIŞ'ê têbikoşin. 

 

Gelê Kurd bi ruhê yekîtiye li Kobanê xwedî derketin û di encama şerekî giran de DAIŞ li Kobanê têk birin. Piştî şervanên Kurd DAIŞ li Kobanê têk bir, 1'ê Mijdarê wekî "Roja Kobanê ya Cîhanê" hat îlankirin. Di 5'emîn salvegera 1'ê Mijdarê Roja Kobanê ya Cîhanê de nûnerên Saziyên Civaka Civakî û partiyên siyasî nirxandin kirin. Hevserokê Şaxa 2'emîn a Sendîkaya Kedkarên Zanîstî  û Perwerdeyê (Egîtîm Sen) a Amedê Recep Şîmşek Roja Kobanê ya Cîhanê li hemû netewan pîroz kir û wiha got: “Têkoşîna li Kobanê hat dayîn, têkoşîna gelan a aşitî, demokrasiyê ya li dijî terora DAIŞê bû. DAÎŞ di hemû cîhanê de rêxistina terorê te zanîn. Bi taybetî li axa Suriyê û Iraqê hinek qad desteser kirin. Piştî DAIŞ'ê êrîşî Kobanê kir, gelê Kobanê axa xwe parast û DAÎŞ têk birin. Herî dawî Serokê DAIŞ'ê El Bagdadî di operasyonekê de kuştin. Divê hemû netew li dijî terora DAIŞ'ê têbikoşin. Divê piştevaniya hev bikin." 

 

‘BIRYARDARIYA KURDAN  DAWIYA DAÎŞÊ ANÎ’

 

Hevserokê Komeleya Piştevaniya Malbatên Girtiyan (TUAY-DER) Mehmet Emîn Guzel, jî anî ziman ku biryardariya gelê kurd dawiya DAÎŞ’ê anî û wiha axivî: “DAÎŞ hêj ji hinek dewletan alikariyê digre. Hêj DAÎŞ gefan dixwe û jicihanê re tehdit e. Hemû dinya dizane ku hêzên Kurdan yên li Rojava kevirek jî ne avêtiye aliyê Tirkiyê. Li gel vê Tirkiye aşkere dijminatiya Kurdan dike. Dema li Suriyê DAÎŞ hebû, Tirkiyê ew ji bo xwe tehdît ndît. Lê niha gelê Rojava tu dijminantiya Tirkiye nake jî, Tirkiye êrîş kir û dixwaze Osmaniyekê ava bike. Eger hûn gelê li wir tune bi hesibînin tu wateya peymanên tune. Divê pêşengên kurdan zû guhdariya gel bikin daxwazên wan pêk bînin."

 

'DÎSA PÊWISTÎ BI RUHÊ KOBANÊ HEYE' 

 

Endamê Şanoya Bajarê Amedê Yavuz Akkuzu jî, diyar kir ku wexta ku ruhê 1’ê Mijdarê ava neb ereb jî, kurd jî wê cihê xwe biguherînin û wiha got: “Wê demê Tirkiyeyê deriyê xwe vekirin û peşmerge çûn Kobanê. Bi yekitiya gelê Kurd Kobanê Rizgar bû. Divê dîsa ew ruh bê avakirin. Gelê me yê Bakûr, Rojhilat, Başûr wek gel tifakeke germ ava kirin. Divê dîsa Ruhê Kobanê bê avakirin. Kobanê bi hezaran kes bûn. Li berxwe didan. 30-40 kes mabûn Lê gelê kurd bûn yek û bi ruhekî mezin piştgirî dan şervanê xwe. Wexta ku em li cem hev nebin kes me nas nake. Divê ewil Kurd bibin tifaq. Em tenê xelasiya Kurdan naparêzin. Em Ermenî Suryanî Ereb tev bi hevre ne. Niha hemû gelê cîhanê bi gelê kurd re ye. Wexta ku kurd bên cem hev û pratîkekê ava bikin, dê bandorê li cîhanê bikin cîhan jî tiştekî pratîk derxe holê. Roja 1'ê Mijdarê li gor min roja ku milet li hember vê wehşetê gavên pratîk bavêjin e." 

 

ŞER LI PEY XWE TALANKIRIN Û WÊRANKIRINÊ DIHÊLE

 

Hevserokê Şaxa Sendîkaya Kedkarên Xizmeta Civakî û Tenduristiyê (SES) ya Amedê Recep  Orûç jî, dazanîn ku şer li ser zarok, jin û civak û xwezaya Kobanê bandoreke mezin kir û wiha got: “Şer her tim hilweşandine. Cihê hilweşandin bebe, nexweşî û travma derdikevin holê. Tahrîbatên derûnî û fîzîkî pêş dikevin. Divê hemû mirov li dijî vê yekê têbikoşe. Mirov dikare bi yekîtî û piştevaniyê van rojan derbas bike." 

 

‘PÊŞKETIN DI YEKITIYA NETEWÎ RE DERBAS DIBE’

 

Hevserokê Şaxa Komeleya Piştevaniya bi Kesên ku li Dergûşa Şaristaniyê Xizmên xwe Winda kirin (MEBYA -DER) a Amedê Mustafa Uyguner jî anî ziman ku hovitiya li Rojava ji bîr nekirine û got: “Li Kobanê bi navê mirovahiyê berxwedaneke bêhempa hat pêşxistin. Kurdan çawa wê rojê yekitiya xwe ava kiribin, divê li hemberî hovitiya îro jî bibin yek. Heke wê bi polîtîkayên perçe bike û rêve bibe têk biçin û tiştekî bi navî kurditiniyê nahêlin. Bi gotina ‘ew erdnîgarî ne li gor Kurdan e dixwazin  polîtîkaya Kemera Ereban a ji sala 1960’an heta roja me didome berdewam bikin. Divê kurd li hemberî vê hişyar bin. Pêşketineke baş dest xistine divê vê bi encam bikin. Ev jî di yekitiya neteweyî re derbas dibe." 

 

‘TÊKOŞÎNA LI DIJÎ DAÎŞÊ WATEYA ROJA KOBANÊ MEZIN KIR’

 

Hevseroka HDP'ê ya Navçeya Rezan Besile Narîn  a zarokê wê di têkoşîna li dijî DAIŞ’ê de jiyana xwe ji dest da diyar kir ku wateya Roja Kobanê ya Cîhanê mezine û wiha got: “Jin, zarok û ciwanan jiyana xwe ji dest dan. Kobanê wek bajarekî xeyalet hatibû. Wek dayîk û jin hêj birînên me nû ne.”

 

‘NEBIN YEK DÊ PERÇE BIBIN'

 

Narîn da zanîn ku dewletan alîkariyeke mezin da çeteyan û wiha bi dawî kir: “Tevî piştgiriya welalatên cîhanê çete dîsa têk çûn. Bi têkoşîna jinan têk çûn. Rojhilata Navîn li dijî êrîşan dîsa bêdeng in. Divê lidijî şer rawestin û denê xwe bilind bikin. Ger ku em nebin yek emê perçe bibin û em nikarin bibin bersîv."