MÊRDÎN - Waliyê Mêrdînê Mustafa Yaman ku cara duyemîn wekî qeyûm tayînî Şaredariya Mêrdînê hat kirin, Sînan Yildirim ê navê wî di nava 10 îhaleyan re derbas dibe û bi qasî 352 milyon û 453 hezar û 738 TL nelirêtî kiriye,
wekî Wekîlê Serokê Lijneya Rêveberiya Şîrketa Bajar a Şirîkatiya Şaredariyê hat erkdarkirin.
Rêxistina Partiya Demokratîk a Gelan (HDP) di hillbijartina Rêveberiya Herêmî ya 31'ê Adarê de Şaredariya Bajarê Mezin a Mêrdînê bi dengê ji sedî 55 ji destê qeyûmê stend. Ahmet Turk û Fîgen Altundag Hevşaredarên Bajarê Mezin ên Mêrdînê hatin hilbijartin. Di 19'ê tebaxa 2019'an de Wezîrê Karên Hundir dîsa qeyûm tayînî şaredariya Bajare Mezin a Mêrdinê kir. Li şûna Turk û Altundag Waliyê Mêrdînê Mustafa Yaman wekî qeyûm tayîn kirin. Çawa ku Yaman dîsa dubare qeyûm tayînî şaredariyê hat kirin dîsa kesê bi nelirêtiyê hatibû rojevê di şaredariyê de peywirdar kir.
Piştî HDP'ê şaredarî bi dest xist û dest bi kar kir, der barê Serokatiya Karê Fenê û Serokê Daîreya Rêyên Çoltarê û Erkdarê xerçkirinê Sînan Yildirim û Erkdarê pratîkkirina projeyê C.D., xebatkarên di venêrtina avakirinê de dixebiin C.D., R.Y., F.G., B.M., M.A., M.Y., F.G., H.D., A.Ç., S.K., Şefê Stablize H.D. û O.G. de lêpirsîn da destpêkirin û rapor amade kir. Di lêkolinê de tespît kirin ku 352 milyon û 453 heza rû 738 TL nelirêtî kirine.
Di raporê de derket holê ku di 10 îhaleyan de nelirêtî kirine û bi giştî 352 milyon û 453 hezar û 738 TL nelirêtî kirine. Piştî HDP hat ser karê şaredariyê, der barê Sinan Yildirim de lêpirsîn dabûn destpêkirin û ji kar dûrxistibûn. Piştî Walî Mustafa Yaman ku cara duyemîn wekî qeyûm tayînî Şaredariya Mêrdînê hat kirin, Sînan Yildirim ê navê wî di nava 10 îhaleyan re derbas dibe û bi qasî 352 milyon û 453 hezar û 738 TL nelirêtî kiriye,
wekî Wekîlê Serokê Lijneya Rêveberiya Şîrketa Bajar a Şirîkatiya Şaredariyê hat erkdarkirin.