Komîsyona Girtîgehan a Şaxa ÎHD'ê ya Stenbolê rapora meha Tîrmeh, Tebax û Îlona 2019'an ya girtîgehên Herêma Marmarayê aşkere kir. ÎHD'ê rapor li şaxa ÎHD'ê ya Taksimê bi raya giştî re parve kir. Di civînê de Seroka Şaxa ÎHD'ê ya Stenbolê Gulseren Yolerî diyar kir ku wan rapor li gorî agahiyên bi rêya name, faks û rêya malbatan ji wan re hatine, kom kirine û wiha got: "Der barê darizandina nû de jî beşek raporê heye. Ji bo ji nûve bên darizandin bi hezaran serlêdan hene. Bi taybetî di vê pêvajoya ku reforma darazê tê niqaşkirin de me wekî îHD'ê diyar kiribû ku bi xebatên nû û bi hun guhertinan çareserî dikare bê dîtin. bi hezaran mexdûr hene. Divê mexdûryeta hezaran kesan bi dawî bibe. Em carek din li vir bang li hikûmetê bikin ku hemû girtî bila ji nûve bi awayekî adîl bên darizandin. Em dixwazin darizandina hemû girtiyan li gorî hiqûqê bê kirin." 

 

‘DI 3 MEHAN DE 663 MAF HATIN BINPÊKIRIN

 

Piştre Endama Komîsyona Girtîgehan a Şaxa ÎHD'ê ya Stenbolê Hatice Onaran rapora 3 mehan xwend. Onaranar, diyar kir ku rapor ji 32 serlêdanên ji girtîgehên cuda hatine, hatiye amadekirin û wiha got: "Di meha Tîrmehê de 43, di meha Tebaxê de 111, di ÎLonê de jî 35 bi giştî 189 serlêdan hatin kirin. Ji kesên serlêdan kirin jê 19 jîn û 170 jî mêr in. Di vê raporê de 172 girtiyên politik û 17 girtiyên edli serlêdan kirin. Di meha Tîrmehê de 43, tebaxê de 111, û meha îlonê de jî 35 bi giştî 189 kesan serlêdan kirin. Li gorî van serlêdanan bi qasî me tespît kir, 663 mafên mirovan hatiye binpêkirin. 

 

‘ÎŞKENCE, LÊDAN Û MUAMELEYA XERAB’

 

“ * Seher Orço, ji roja anîne Girtîgeha tîpa F a Kandirayê heta niha bi tenê du hicreyê de tê girtin. Tecrîdkirina wê spartine rapora çavdêriya girtîgehê, lê heta niha tu biryar ji wêre nehatiye ragihandin. 

 

* Velat Cîn, li Girtîgeha Tîpa F a Hêjmar 2 a Tekîrdag dimîne, di 09'ê Tîrmeha 2019'an de bi agahiya parêzer hatiye ew ji kawîşê derxistine û dema çûye odeya hevdîtina parêzeran ji aliye midûrê 2'emîn ve hatiye rawestandin û derbasi odeyê kirine. Li wir yek jê jin bi giştî 3 kesên xwe weki endamên MÎT'ê xwe dane naskirin ew pêşwazî kirne. 

 

* Y.T., ji diyar kir ku birayê wî Abdullah Tekin di 3'ê Tîrmehê de telefonî wan kir û dîsa xwestine li ser wî bigerin. Gardiyanan ew xistine odeya kauçuk û 5-6 gardiyanan li wî dane. 

 

* Mafê girtiyan ê ragihandinê tê astengkirin. Mafê girtiyan ê pirtûk, rojname, name, kovar û tê astengkirin. Nameyên ku girtî dinivîsin bê hincet tên astengkirin. 

 

* Mafê girtiyan ê daxwaznameyan tên astengkirin. Daxwaznameyên duyemin li ber çavan nayê girtin. Dema parêzer bi muwekilê xwe re hevdîtin dikin an bi cîhazên deng an jî bi dîmen qeyda wan tê girtin. Belgeyên ku di navpera parêzer û muwekilan de tên lêkolînkirin û tên desteserkirin. 

 

* Mafê girtiyan ê tenduristî û dermankirinê tên astengkirin. Mafê girtiyan ê tenduristiyê bi awayekî keyfi tê îhlalkirin. Dema tên dermankirin jî kelepçeyê li wan ferz dikin. 

 

* M.G. di 23'ê Tebaxê de serlêdan kir û diyar kir ku mamê wê Kinyas Gulcan bi sandalya bi teker ew anîn salona hevditinê û anî ziman ku mamê wê nayê dermankirin. Kînyas Gulcan di 6'ê Îlona 2019'an de jiyana xwe ji dest dal. 

 

* Girtiyê Edlî Turhan Şafak ê li Girtîgeha Tîpa F a Hêjmar 1 a Tekirdagê li Nexweşxaneya Dewletê ya Tekirdagê ji 4 beşên bedena xwe tê dermankirin. Lê mafê wî yê dermankirina tedawiya fîzîkî hatiye astengkirin. 

 

* Girtî bi awayekî keyfî tên sirgûnkirin û sewqkirin. Omer Kabul, Ramazan Adıbelli, Cahit Tamur, Eyup Yaşar, M. Sıddık Yıldırım, A. Kadir Encu ji Girtîgeha Tîpa R a Trabzon ê sewqî Girtîgeha Tîpa L a Patnosê kirine. 6 kes li yek odeyê tên girtin û bi tu kesî re nikarin hevdîtin bikin. 

 

* Mustafa Pamuk ji Girtigeha Amedê sewqî Girtîgeha Tîpa T a Tekirdage kirine. Nexweşiyên Pamuk giran in. 

 

*Girtî rastî cezayê dîsiplînê tên. Ji ber pêkanînên keyfî rastî cezayê dîsplin û hucreyê tên. 

 

* Girtî Comert Bozkurt- Ahmet Çakal- Cemal Yılmaz- Sekvan Beceriklî ji Girtîgeha Tîpa T a Aliaga name şandin û diyar kirin ku rastî 3 cezayên hucreyê hatine. 

 

Onaran, herî dawi bang li parazvanên mafên mirovan, hiqûqnas û nunerên rêxistinên demokratîk kir û ji bo piştevaniyê banga lezgîn kir.