Yekitiya Karkerên Demokratîk, Kongreya Îslama Demokratîk (KÎD), Koma Diyalogê, Platforma Komeleyên Rojhilat û Başûrê Rojhilat, Platforma Maf û Edaletê, Platforma Ji Bo Mexdûran Edelat û Hewldana Hemwelatiyan, nameya derbarê operasyona Tirkiyeyê ya li dijî Bakur û Rojhilatê Sûriyeyê de nivîsandibûn, ji Partiya Komarê ya Gel (CHP) re şandibûn. Di nameyê de ji bo CHP’ê ya ku ji tezkerê re got “erê”, hat gotin ku helwesta CHP’ê ya ji bo operasyonê, pîvana “Li welat aştî, li cîhanê aştî” înkar kiriye.. 

 

‘WÊNEYÊ ŞER XWÎN Û MIRINE’ 

 

Endama Koordînasyona Yekitiya Ji Bo Demokrasiyê (DÎB) Nesteren Dabûtoglû, diyar kir ku ji ber partiyên muxalefetê berpirsiyartiya xwe ya li welat bi cih nayin in, wan pêdivî dît ku nameyê binivîsin û wiha axivî: “Tayînkirina qeyûman vîna gel nas neke. Bi awayekê pir aşkere karên neqanûnî dikin. En tenê li Amed, Wan û Mêrdînê, li ser hemû axa welat mafê hilbijarina mirovan bin pê kirin. A din jî şer di her qadê de, her tim çareseriya dawiye. Teqez ev nayê qebûl kirin. Wêneyê şer xwîn, mirin û zilme. Li hemberî van hemûyan, em li bendê bûn ku mûxalefet bêjê ‘êdî bese.’ Me tu wate neda vê biryara CHP’ê. Dilê me ne rehet bû, me xwest em wan hişyar bikin. Di hilbijartina dawî de me got divê em dawî li vê desthilatdariyê bînin. Vê jî bi xwe re hêvî şîn kirin. Gelo CHP’ê çima li hemberî hêviyên gelan ev daxwaza desthilatdariyê qebûl kir? Ez vê yekê nikarim qebûl bikim.”

 

‘DIVÊ LI DIJÎ QEYÛMAN PÊŞENGTIYÊ BIKE’

 

Davûtoglû, da zanîn ku tiştên niha tên jiyîn li dijî civaka Tirkiyeyê û wiha bilêv kir: “Em li bendê ne ku CHP sekna xwe ya demokratîk bibîr bixe û li dijî derkeve. Li şûna ku CHP şer asayî bibîne, divê pêşengtiya têkoşîna li dijî qeyûman bike. Ya ku li mûxalefetê tê jî, li ser rêya aştiyê dewam kirin e.”

 

'NAME GAZÎKIRINEK BÛ’

 

Serokê Platforma Komeleyên Komeleyên Rojhilat û Başûrê Rojhilat Abdulhakîm Taş jî, da zanîn ku name ji bo demokratên sosyal ên di nava CHP’ê û beşên ji pergalê merezdar bûne gazîkirinek bû û wiha axivî: “CHP partiya avakirina Komara Tirkiyeyê ye. Piştî hilbijartina herî dawî ya herêmî, CHP ket nava  lêgerînekê. Helwesta wê ya li dijî kurdan dîsa hişke. Lê ji bo ku hişmendiya faşîst bê paşvexistin û têkoşîna demokrasiyê pêş bikeve hewl hebûn. Her çiqasî raste rast tifaqek nebû jî, kurdan piştgirî dan CHP’ê. Em rêxistina civaka sivîl vê yek baş dibînin. Lê tişta xuya dike jî, CHP dixwaze pergalê rizgar bike.”

 

Taş, diyar kir ku CHP’ê berê jî ji bo rakirina destnedayînê û operasyona li dijî Efrînê bersiva erênî da desthilatdariyê û wiha domand: “Herî dawî jî tezkereya li dijî Sûriyeyê erê kir. Bêguman em li bendê bûn ku CHP tiştek wisan bike. Yên ku pergalê îdare dikin yek jî CHP ye. Şaşiya kî hebe divê bê hişyar kirin. Em jî xwest bi vê nameyê em CHP’ê hişyar bikin.”

 

‘BI AQILEKÊ HEVPAR DIVÊ ÇARESERÎ BÊ AVAKIRIN’

 

Ji Platforma Maf û Edelatê Nûrten Ertûgrûl jî, bertek nîşanî helwesta CHP’ê ya erêkirina şer da û wiha got: “CHP’ê dîsa tevliheviya serê xwe danî holê. Civaka sîvîl a piştgirî da mûxalefeta navendî ji vê yekê pir aciz bû. Wisan xuya dike ku CHP’ê heya niha jî ji bo siyaseta xwe tu biryarek ne daye. Ev bû sedem ku baweriya civakê pê nemîn e.” 

 

 

Ertûgrûl, da zanîn ku siyaseta Tirkiyeyê ya derveyî welat bi pirsgirêke û wiha dawî li axaftina xwe anî: “Tirkiye di her warî de, di nava pirsgirêkan de ye. Divê em hemû bi hev re li dijî vê parêzkeriyê derkevin. Lazime ku em vê yekitiyê cardin ava bikin. Sedema bangkirina me ya CHP’ê ya din jî girseya wê ye. Girseyeke wê ya weke me difikire heye. Dibe ku li cihekê em bibin dengê wan jî. Ji ber vê divê rêveber û meclîsa partiya CHP’ê tiştekê bike. Necare ku vê berpirsiyartiya xwe bi cih bîne. Em di pêvajoyek zor re derbas dibin. Lê ew di vê pêvajoyê de, refê de man. Bi aqilekê hevpar divê çareserî bê avakirin. Pêwîste ku hemû kes berpirsiyartiya xwe, bi fedekariyek mezin bi cih bîne.”