Endamên Meclîsa Dayikên Aştiyê yên Êlihê têkildarî êrîşên Tirkiyê yên li dijî bajar û navçeyên Bakur û Rojhilatê Sûriyê li avahiya xwe civîna çapemeniyê li dar xistin. Endama Meclîsê Nuran Seçkîn daxuyanî da û got ew kesên di êrîşan de jiyana xwe ji dest dane bibîr tînin. 

 

Seçkîn da zanîn ku di êrîşan de zarok jî hatine kuştin û divê angaşta bikaranîna çekên kîmyewî jî bê lêkolînkirin. 

 

BANGA YEKÎTIYÊ 

 

Seçkîn banga yekîtiya neteweyî ya kurd li Serokê PDK’ê Mesûd Barzanî kir û got: “Yên tên kuştin zarokên me ne û xwişk û birayên me ne. Divê kurd bibin yek.”  

 

‘WERIN EM AŞTIYÊ BI HEV RE BÎNIN’ 

 

Seçkîn Rûsya û Amerîka ji ber helwesta wan a rê li pêşiya şer vedikin jî şermezar kir û wiha got: “Hikumeta AKP’ê 40 sal jî vî şerî dewam bike em ê neqedin. Em aştî û biratiyê dixwazin. Neçin destê xwe dirêjî Rûsya û Amerîka nekin, werin em bi hev re aştiyê bînin û saz bikin. Ji bo aştiyê çi bikeve ser milê me dayikên atşiyê em amade ne.”