Hevserokê Giştî yê Berê yê Partiya Demokratîk a Gelan (HDP) Selahattîn Demîrtaş, bi navbeynkariya Ajansa Mezopotamyayê (MA) ji Girtîgeha Tîpa F a Edîrneyê bang li malbatên ku li ber avahiya HDP'ê ya Amede kir. Demîrtaş di peyama xwe ya ku bi ser navê "Pêkanîna aştiyê deynê me yê dayikan e" şand de ev tişt nivîsandiye: "Bi sûdwergirtina ji ceribandinên berê, em bandor û samîmiyeta Ocalan a di van mijaran de binirxînin û ew bikin dewrê. Em kesekî ku di demeke nêz de bi rêya parêzerên xwe ragihand ku ew ji bo çareserkirina van pirsgirêkan amade ye û bi xwe bawer e paşguh nekin. Ne tenê dayikên li ber HDP'ê, em pêşiya hewldanên ku aştî û demokrasiyê bîne welat û dilê hemû dayikên ku destê wan li ser dilê wan e xweş bike, vekin."

 

Hin pêşniyarên din ên peyama Demîrtaş wiha ne:

 

"Malbatên ku angaşt dikin zarokên wan çûne çiya û zarokên wan ji aliyê PKK'ê ve hatine revandin, demeke li ber avahiya HDP'ê ya Amedê çalakiya rûniştinê li dar dixin. Li gel derfetên kêm jî em hewl didin ji girtîgehê vê pêvajoyê bişopînin. Ji ber berpirsyariya xwe min pêwîst dît ku nêrînên xwe yên têkildarî vê mijarê bi raya giştî re parve bikim û balê bikişînim ser çend xalan. 

 

Beriya her tiştî, daxwaza xwe gihandina zarokê xwe ya dayik û bavekî bê şert û mercê meşrû ye. Daxwazeke xwezayî ye û divê bêyî lêpirsîna her cûre niyetê bi rêzdarî bê pêşwazîkirin. Berovajiyê vê yekê nexwestina dayikek a zarokê xwe dê derveyî xwezayê bûna. Ji ber vê yekê bendewariya dayikan divê di ser her cure berjewendiya siyasê de bê girtin. Li gorî min vî aliyê mijarê yê ku bê nîqaşkirin tuneye. Rastiya mijarê jî ev e. Niqaşên din hemû aliyên siyasî yên mijarê ne. Hemû jî ji bo vitkirina rastiya mijarê ne. Li şûna wê heke siyaset pirsgirêkên gel çareser bike, nêzî jiyana rojane ya mirovan bibe û çareseriyê bîne siyaset e. Heke vê yekê neke siyaset ji bilî dek û dolab û canzbaziyê ne tiştekî din e.

 

Têkildarî çalakiya dayikan hincetên mîna; malbat ji hêla desthilatê ve aresteyî bînaya HDP'ê tên kirin, bi armanca şikandina bandora çalakiyên li dijî tayînkirtina qeyûman e, ji aliyê desthilatê ve bi armanca siyasî tên îstîsmarkirin, armanca rast a kesên ku van malbata aresteyî HDP'ê dikin tu eelqeya wan bi armanca malbatan re tuneye, armanca kesên ku malbatan ziyaret dikin provasyon e, armanca rasteqîn a desthilatê krîmînalîzekirina HDP'ê ye, tên derpêşkirin. Elbet pareke rast a van hemû hincetan heye. Ji bo tenegihiştina vê yekê divê mirov sefik be. Lê dîsa jî van hemû tiştan nikarin meşrûyeta bendewariya dayikan asteng bikin. Şaş rûniştina cih û berpirsyargirtina HDP'ê ya malbatan jî nikare vê meşrûyetê ji holê rake û ne mafdar derxe. Her çiqas berpirsyatî ya desthilatê be jî ev nayê wê wateya ku rastiya mijarê nebînin.

 

Em neçarin ku hin rexneyên ne di cih de yên dayikan bi feraset pêşwazî bikin. Li gel ku bi qasî serê derziyê berpirsyartiya HDP'ê ya di çûyîna çiya û girtina peywirdarên cemaweriyê de tuneye jî divê ku em hewl bidin ku bertekên dayikan fêm bikin. Lewre ev mirov ji HDP'ê piştgiriyê dixwazin. Ji ber ku di derxistina holê ya pirsgirêkê de berpirsyariya wê tuneye, HDP nikare ji çareseriyê bireve. Jixwe berpirsên HDP'ê jî timik vê mijarê tînin ziman. Lê kesên ku ji bilî bersivandina bendewariya dayikan tenê derdê wan bi ser vê mijarê de dixwazin HDP'ê lînç bikin jî tişta ji destê wan tê dikin. Li gel van hemû kişkirinan jî divê HDP sekna xwe ya bi sinc biparêze û bidomîne. Di rastiyê de HDP'iyan bi gelek wesîleyan vê yekê aşkera kirin jî. Bila be carek jî ez bi bîr bixim: 

 

1- Di destpêkê de em dixwazin ku PKK bersivê bide banga van malbatan. 

 

2- Zarokên li çiya ne û wezîfedarên cemaweriyê yên di destê PKK’ê de divê bi saxî û selametî bigîhîjin malbatên xwe. Ji bo ev malbat bigîhîjin zarokên xwe û aştiyek mayînde pêk were bang li hemû aliyan bikin. Divê di vî warî de hewldan bêtir bên leztirkirin. 

 

3- Ji bo van malbatên zarokên wan ji aliyê PKK’ê ve hatine desterkirin jî divê hem li hundirê Meclîsê û hem jî li derveyî Meclîsê divê bi lezgînî komîsyonek were avakirin. HDP jî dikare di komîsyonê de cih bigire. Ji bo çareseriya pirsgirêkê her kes û her aliyên samîmî dikarin bibin hevparê vê yekê. 

 

4 – Em li gorî tecrûbeyên berê derkevin rê û bandor û samîmiyeta Ocalan a di vê mijarê de li ber çavan bigirin û ji bo bikeve dewrê em hin tiştan dikarin bikin. Di demek nêz de bi rêya parêzerên xwe gotibû ‘Ez amade me di hefteyekê de van pirsgirêkan çareser bikim û ji xwe bawer im.’ Divê em şexsiyetek wiha gotiye ji nedîtî ve neyên. Tenê ne dayikên li ber HDP’ê rûniştine, ji bo hemû dayikên destê wan li ber dilê wan e û dilsoj in û hewldanên demokrasî û aştyê bînin welat pêk bînin. 

 

5 – Ev hemû ji bo partiyek bê biçûkkirin, partiyek were mezinkirin û partiyek li derveyî her tiştî bê hiştîn nîne. Ji bo aramiya, azadiya, jiyanek demokratîk û aştiya 82 milyon welatiyên Tirkiyeyê vê yekê bikin. Bêyî di nava partiyan de cudahî were kirin em dest bidin destê hev û bi hev re tevger bikin. 

 

Dayikên şehîdan jî, Dayikên Şemiyê, Dayikên Aştiyê jî û dayikên li ber HDP’ê rûniştine jî taca serê me ne. Divê êşa tu dayikê nebe qûrbanê siyasetê û neyê îstîsmarkirin. Yên vê dikin jî hebin lazime bendewariya dayikan ji nedîtî ve neyên. Bila du gotinên dayikan li dijî HDP’ê zêdetir bin. Ev jî mafê wan ên dayikbûnê ye. Divê siyasetmedar tehamûlî rexneyên dayikan bikin. Pêwîste malbat jî neyên şorkirina îktîdar û li dijî polîtîkayên erzan baldar bin. Divê nehêlin ku kes wan bikar bîne. Lê siyasetmedarên çareseriyê dixwazin jî divê wêrek û jêhatî bin. Hemin hikumet di vê mijarê de bêçare ye, lazime HDP jî bizanibe çare çi ye û bi samîmî û sebir qala çareyê ji hemû Tirkiyeyê re bike. Çimkî armanca malbatan ne ew e ku HDP’ê protesto bikin. Dixwazin HDP destekê bide wan. Helbet xwezî pêwîstî bi van yekê nemaye û mesele ji ber xwe ve bihata çareserkirin. Xwezî her tişt wisa hêsan bûya. Lê heke tu kes tiştek neke û li cihê xwe rûnê bi rastî encam girtin zor xûya dike. 

 

Divê HDP jî di demên berê ders derxe û encamên rast bigire û gavên encam girtinê aivêje. Demên berê jî ji bo kesên dîl girtî yên di destê PKK’ê de jî HDP berpirsiyariyên girîng girt ser milê xwe û AKP nikaribû xwe ji şûna xwe bilebitîne. Berevajî vê yekê ji bo van hewldanan lêpirsîn daye destpêkirin. Civak ji HDP’ê bêtir têkoşînek demokrasiyê û aştiyê ya aktîf dixwaze. Dema HDP vê yekê bi wêrekî bike wê ji xwe were dîtin kî êşa dayikan îstîsmar dike û kî alîgirê aştiyê ye. Heke li gel van polîtîka û operasyonên qirêj HDP bûye hêviya aştî û çareseriyê ya gel lazime vê baş binirxîne û bikeve bin berpirsiyariyê. Divê ne ku guh bide îktadar çi dibêje divê guh bide malbatan ku çi dixwazin. Di serî de dilê dayikan wê dilê hemû jinan me ber bi aştiyê ve bibe. 

 

Min hemû rexneyên derdoran da ber çavê xwe û min ji dil û can xwest nêrînên xwe parve bikim. Ez hêvîdarim wê mafê hemû dayikan were dayîn û em dikaribin wan û zarokên wan bînin gel hev û aştiya civakî ji wan re bikin diyarî. Dibe pêşniyarên min jî ‘siyasî’ bibînin û rexne bikin. Ez jî vê re jî rêz digirim. Lê yên vê bikin jî dayik jî û HDP jî ji bilî lînçkirina HDP’ê û bi pêşniyarên maqûl û rastî divê destekê bidin. 

 

 

Bi vê wesîleyê di serî de ez destê hemû dayikên dilşewat û hemû dayikan maçî dikim. Ez silav û hezkirinên xwe ji wan re rê dikim.”