STENBOL - Şeniyên Esenyûrtê diyar kir ku derxistina derveyî welat a penaberên ku qeydên wan tunene şaş e û ev tişt got: "Dewlet penaberan weke fersend bi kar tîne. Penaberên ku di şertên zor de dijîn ji ber biyara hatiye girtin newarin ji malên xwe derkevin."
Ji ber daxuyaniya Walatiya Stenbolê ya agihand ku dê penaberên qeydên wan tunene derxine derveyî welat penaber ketine rewşeke nikarin ji malên xwe derin. Li Esenyûrtê ku hejmara penaberan zêdeye li serê her goşeyî nuqteyên venêrînê hatine danîn. Esenyûrtiyên ku ji vê rewşê aciz in diyar kirin ku penaberên di şertên zor de dijîn ji ber vê yekê rewşa wan zortir bûye.
'ŞER WAN ANÎ VIR'
Esnaf Şaban Çanakçi diyar kir ku şandina penaberan polîtîkayeke şaş e û wiha got: "Hemin dewlet penaberan qebûl kiriye divê li wan xwedî jî derkeve. Bila penaberan ji Tirkiyeyê neşînin. Ew birayê me ne. Hêvî dikim wan navêjin agir. Berê evder têje penaber bûn lê niha ji tirsa penaber nikarin ji malên xwe derkevin. Feqîriyê min Agiriyê anî vir. Penaberan jî şer anî vir. Dewlet van mirovan weke fersend bi kar tîne."
'POLIS PENABERAN DATÎNE SÎNOR'
Berfîn Roda jî bi van gotinan qala birina polisan a penaberên ku qeydên wan tunene kir: "Beriya 2 rojan ez li Qada Esenyûrtê rûniştîbûm. Li cem me 2 penaber hebûn. Polisan her du penaberan girt. Min jî meraq kir û pirsa 'hûn çima wan dibin?' ji wan kir. Polisan got ku li gorî qanûnan wan kom dikin. Min pirsa li welat ber didin an na kir. Polisan got ku ew penaberan dibin sînor ber didin. Zarokek hebû polisan dayika wî bir. Zarok xwe avêt polisan û ji wan re got 'me berdên em ê paşê werin teslîm bibin' polisan wê bernedan û bi xwe re birin."
'PENEBARAN TERKÎ QEDERA WAN DIKIN'
Mamosteyê teqawît Cûma Alî Aktaş da zanîn ku penaber terkî qedera xwe tên kirin û ev tişt got: "Di encamê de van mirovan ji şer reviyane hatine. Ji bo şandina wan divê di navbera rêveberiyên her du welatan de hevdîtin bên kiirn. Piştî hikûmetên Sûriye û Tirkiyeyê li hev rûniştin û peymanek îmze kirin van penaberan dikarên bên şandin. Bi nêzikbûna nîjadperest a 'Hadê ji welatê me herin em we naxwazin' ne nêzikbûneke mirovî ye.
'DI RÊ DE HEVJÎNA MIN WELIDÎ Û DAYIKA MIN MIR'
Penaber M.Ş. ku qeyda wî heye û ji ber ewlehiyê nexwest navê xwe aşkera bide jî wiha qala hatina xwe ya ji Sûriyeyê kir: "Li Sûriyeyê şer hebû. Li Idlibê her roj bi ser me de bombe dihatin barandin. Mala me xera bû û bombe li destê min ê rastê ket û ez birîndar bûm. Ji ber vê yekê niha nikarim destê xwe yê rastê bi kar bînim. Dema ku em ji şer reviyan hevjîna min di rê de zarokê me welidand. Dayika min mir. Hê jî li Sûriyeyê şer heye û ev ji bo me talûke ye. Em ji ber şer naxwazin vegerin û li Tirkiyeyê bimînin. Niha evder ji me re ewletir e. Ji ber daxuyaniyên tên dayîn penabera di nav tirseke mezin de ne. Ji roja kontrolkirina nasnameyan dest pê kiriye heta niha penaber xwe vedişêrin û naxwazin ji malên xwe derkevin."