DERSÎM - Şaredarê Navçeya Pilûrê Mustafa Sarigul, diyar kir ku cihê tebligat şandinê, rûhsata madenê dane û wiha got: "Ev herêma ku herêma afetê ye, hawizê siyanurê yê bê avakirin wê çawa bê parastin. Keyayê Gundê Yeşîlyazi Husamettin Ateş jî anî ziman ku xebatên madenê yê li Çiyayê Mûnzûrê ku 300 metre dûrî wan e, wê zerarê bidin wan û şeniyê herêmê wê tu carî destûr nedin vê yekê.
Qeymeqamê Pilûrê gundên Aslandogmuş, Kuşluca, Yarimkaya, Yeşîlyazi, Gozeler, Yaylagunu, Mollaalîler û Buzlutepe wekî herêma afetê îlan kir û xwest welatî gundên xwe vala bikin. Ji sala 1970'ê heta niha her sal ji gundiyên li van gundan dijîn ji ber aşût, axrêj û rîska hilweşînê serî li saziyan dan û xwestin vala bikin. Her sal teblîgat ji muxtariyan re şandin ku gund vala bikin. Hat diyar kirin ku li Gundên Aslandogmuş, Kuşluca, Buzlutepe û Yaylagunu ji ber daristanê rîska axrijê heye û li gundên herêma çiyê jî rîska ku aşût bikeve heye.
4 GUND DI QADA MADERNÊ DE NE
Gundên Yarimkaya, Gozeler, Molaaliler, Buzlutepe û Gundê Kuşluca yê ku tê xwestin xera bikin, hat diyar kirin ku li qada madenê ne. Gundê herî zêde balê dikişîne jî Gundê Buzlutepe ye. Gundê Buzlutepe di encama polîtîkayên dewletê de ligel 33 gundan ew jî di salên 2000'an de hatibû valakirin. Piştî salên 2000'an çend kes dîsa vegeriyan gund. Ji bo axa vî gundî jî ruhsata koma 4’emîn a madenê daye vî gundî. Ger ku projeya madenê ya li vir dest pê bike wê Gundê Karayonca bi temamî tune bibe.
'EM DESTÛR NADIN MEZRAYÊ VALA BIKIN'
Welatiyê mezraya Kazanç ê Gundê Yaylagunu ku nexwest navê xwe aşkere bike, diyar kir ku li Yarimkaya di sala 1985'an de aşût ketibû û ji ber vê yekê afet îlan kiribû. Gundî anî ziman ku di sala 1994'an de li navçeya Pilûrê bi cih bûn û wiha got: "Mezraya me jî li herêma afetê ye. Ji bo em mezraya xwe vala bikin ji sala 1984’an heta niha teblîgatê dişînin. Lê em tu carî vê biryarê qebûl nakin û em tu carî mezraya xwe terk nakin." Welatî anî ziman ku ji sala 1994'an heta 2000 her dem zext li wan kirin ku mezrayê vala bikin.
'BIRYARA BERÊ YE'
Şaredarê Pilûrê Mustafa Sarigul jî anî ziman ku ev biryara valakirina gundan di sala 1970’an de hatiye dayîn û wiha got: "Di sala 1992'an de li herêma Mercan erdhej pêk hatibû. Gelek xaniyan zerar dîtin. Welatiyan deny kirin û xaniyên xwe dîsa ava kirin. Ji sala 1992’an heta 2012’an gelek tişt li ser welatiyan xistin meriyetê. Qeymeqam teblîgat şandine 8 gundan. Ev teblîgat hemû gundiyan dixe nava xwe. Ev biryar ya berê ye. Dem bi dem vê biryarê nû dikin û dîsa dişînin."
HIN GUND QADA MADENÊ NE'
Sarigul, anî ziman ku ev tebligat çiqasî girêdayî qada kanê madenê ne ew nizanin û wiha got: "Qeymeqamiyê teblîgat şandin Gundê Buzlutepe, Kuşluca, Mollaaliler û Yarımkaya. Ji demê borî heta niha ruhseta madenê didin gund. Dayedar vê herêmê wekî qada madenê dibînin. Biçûk biçûk ruhsat didin û piştre van ruhsatan mezin dikin.
MA / Mehmet Şah Oruç – Semra Turan