MÊRDÎN – Li navçeya Mîdyadê di dema dawî de diz ketin nêzî 20 malên Êzidî û Suryaniyan. Malbatên Êzidî û Suryanî bertek nîşanî diziyê dan û diyar kirin ku ev ne diziyek ji rêzê ye û xezp e. Malbatan, destnîşan kir ku ev bi plan û zanebûn tê kirin.
Li taxên Akçakale û Işiklar yên Navçeya Mîdyadê ya Mêrdînê, di demên dawî de diz ketin nêzî 20 malên Êzidî û Suryaniyan. Di demên dawî de ketina diza ya malên Êzidî û Suryanî zêde bû û vê yekê bal kişand ser xwe. Bi taybetî di demsala havinê de malên ku ji Ewropa hatine diz ketin malên wan û gelek alav û amûrên bi qîmet dizin. Malbatan li gel serî li polîsan dan jî hêj heta niha diz nehatine girtin. Malbatan bertekên xwe anîn ziman û xwestin rayedar çareyekê ji vê yekê re bibînin.
'EM ŞOPANDINE'
Malbata Fehîm Işik ê Suryanî, 2 hefte berê li taxa Akçakaleyê xanî krê kirin. Malbata Işik, piştî xanî kirê kirin û ketin xanî li pey wan diz ketin malê. Işik, anî ziman ku di demê dawî de diz ketine gelek malên Suryaniyan ên ew nas dike û wiha got: "Roja em çûn mala xwe ya gund, diz ketin mala me. Roja şemiyê dema em li baxçe rûniştibûn 2 kesan êzîng davêtin hewşa me. Dema me pirsî 'gotin ne em in' Lê ji xeynî wan kesên din tune bûn. Roja Şemiyê em çûn gund. Piştî em çûn gund ew li pey me ketine malê. Dizên ketine malê tizbî û parfum birne.
Işik, anî ziman ku di demên dawî de diz dikevin gelek malên Suryanî yên ji Ewropa hatine û bi taybetî malên êzîdî û Suryanî yên ji ewropa hatine dikin hedef. Işik, bilêv kir ku piştî bûyerê agahî neda polîsan û wiha got: "Ji ber ku polîs wan digirin û dîsa berdidin.
ÇAR CARAN DIZ KETIN MALEKÊ
Welatiyê Suryanî Azîz Gorgun. diyar kir ku ji sala par heta niha 4 caran diz ketine mala wî û wiha got: "Diz ketine mala bikayê min ê astengdar jî. Herî dawî diz 15 roj berê ketin mala min. Dizê ketine mala min saetên min û telefonên min dizî ne. Gorgun, ani ziman ku wî li polîsan gli kiriye, lê tu encam bi dest nexistiye.
Melke Akyol jî anî ziman ku diz di 20'ê Tîrmehê de ketin mala wê û wiha got: "Dilê min bi malê dinyayê naêşe. Wê demê ez li malê bûma, min ê bi çeka xwe ya rûhsat berda wan. An jî wê gule berdana min. Ev ne diziyek ji rêzê ye. Bi zanebûn malên Êzidî û Suryanî dikin armanc. Ev ne diziyek asayî ye. Divê hevkarên van dizan bê ronîkirin.b"
MA / Berivan Altan