* Ahmet Can B., ku di nav salekê de 3 caran hat binçavkirin bilêv kir ku polîsan bi beramberiya pereyan, bi derbkirin û gefxwarinê sîxurtî lê ferz kirine. Can B., diyar kir ku li taxê polîs ciwanan li wesayîtên sivîl siwar dikin û û jê re gotine: "Ger tu alîkariya me nekî em ê dev ji te bernedin."
* Mufetîşên Dîwana Muhasebatê ku Şaredariya Bajarê Mezin a Rihayê kontrol kirin, raporek amade kirin. Di raporê de hat destnîşan kirin ku tomarkirin hesabgêrî ya neguhêzbaran nehatiye kirin û neguhêzbar bêyî îhale pêşkeşî alîgiran hatiye kirin. Di raporê de hat gotin ku şaredariyê nelirêtî kirine.
* Parêzerên Rêberê PKK'ê Abdullah Ocalan, bilêv kirin ku piştî 4 hevdîtinan nêzî 2 meh e nikarin hevdîtinê bi muwekîlê xwe re bikin û serlêdanên wan ên ji bo hevdîtinê jî bê bersiv dimînin. Parêzeran got: "Pêvajoyeke ku serlêdanên me bêbersiv bimînin û bersiva ji bo wan neyînî be, ew pêvajo pêvajoyeke negatîf e. Tê wateya domandina awayê berê."
* Li Hezoyê, gelek mirov serdana Gola Masiyan dikin ku xwedî dîrokeke 3 hezar salî ye.
* Cîgira Hevşaredariya Yenîşehîrê Nevriye Çûr, bilêv kir ku ji bo şaredarîvaniyeke şefaf a bi pêşengiya jinê ew ê civînên xwe yên meclîsê li taxan çêbikin.
* 983 roj in Walîtiya Wanê hemû çalakî û şahiyan qedexe kiriye û vê qedexeyê diparêz e. Baroya Wanê bi daxwaza “rawestandina birêvebirinê” li Dadgeha Îdarî doz vekir. Walîtiyê bi “yekperestî” û “sadîst” Baroya Wanê sûcdar kir.
* Bira Salîh, Siddik û Sadî Ozdemîr û prz. Sedat Ozevin, yên di sala 2010'an de di teqînê de jiyana xwe ji dest dan wê di salvegera 9'emîn de li ser gora xwe bên bibîr anîn. (17.30)